Popular Bible Verses from Ifuso 5

Share

Ingiese ta Hudai daghazhi suru, tashi Huda oresan kewosi wo. Mexiha matande orezhi matande goyane sheidene Hudade ogisan andatu dunxi, mure danlazhi Hudade ogisan mutun taye yan giese oreku zhugheghala gie.

Ingiese ta xioxin giezhi gie. Aghelitu kun mutun gie, ben kun mutun bu gie. Jihuini goude barei, edeku gonyin doghun wo.

Jiu ochizhi bu sudo, jiu kunni hu gieghane. Khareidene Shenlinghala goyane durugha. Shige, zanmeige, ganjin donghala nieniedene doula. Zhughesene don giezhi Ezhande doula. Yan shiqindeliuzhe mai Ezhan Ersa Mexihani niereghala chan ada Hudade mafan kielie.

Ingiese ben kun bu danlazhi Ezhanni isishi yan bikui mejie.

Zhanguijila, Mexiha jiohuide orezhi goyane sheisan mutun biereidene ore.

Ta eqighandeishi kharani woma, edeshi Ezhanyi miende gon wo. Ta yan giese gonni kewosi mutun gie.

Mexihai zunjiku zhugheghala nieniene shunji.

Biereila, Ezhande shunjiku mutun zhanguijidene shunji.

Ingieliuzhe ta jien kunlaye goyadene oreku mutun biereidene ore. Biereiye zhanguijine zunji.

"Ingiese kun ada anasene likai giedene biereighalane hhantulazhi ghuala nie beye gholune."

Yama haochu witu, khara shiqin giesan kunlare bu hhantula, khareidene hhezighan shiqin giesan kunlai kheila.