Popular Bible Verses from 1Gelindo 12

Share

Shenlin jien kunlai jiere xienjighakushi dajialade haochu ireghane giezho.

Tashi Mexihani beye wo, jien kunshi beyeni iyanzi wo.

Nie iyanzi ku shouise man hhantu ku shouine. Nie iyanzide famani irese man hhantu bayasune.

Niezhan kunlade Shenlinyi tungo giezhi tebieji aghelitu kielienyi ogizho. Niezhan kunlade nie Shenlinyi tungo giezhi tebieji erlin kielieku nenli ogizho. Niezhan kunlade nie Shenlinyi tungo giezhi xianxin gieku ogizho. Niezhan kunlade niekozi Shenlinyi tungo giezhi gien goudaghaku nenli ogizho. Niezhan kunlade nenlitu shiqin gieku, niezhan kunlade Hudai kielienyi kielieku, niezhan kunlade ruhherlani fenjiku, niezhan kunlade psedu kielien kielieku, niezhan kunlade psedu kielienyi fanyi gieku nenli ogizho.

Enelashi man hhe niekozi Shenlin giesan wo, hhe goya isighalane buxiantu nenlini jien kunlade fenjizhi ogizho.

beyei iyanzilai ulie danlinraghazhi nieniei zhaogu gieghane giezho.

Ogisan nenlila buxian woma, manshi nie Shenlin ogisan wo. Ushilaku wiliela buxian woma, manshi nie Ezhande oluzhi giezho. Zoinye buxian woma, manshi nie Huda soyuji kunlai tungo giezhi khizheghasan wo.

Huda jiohuide nanpei giesan ji 1 gieshi shitu, ji 2 gieshi xienzhi, ji 3 gieshi loushi wo, pse nenlitu shiqin gieku, gien goudaghaku nenli, banman gieku, gonjiku, yanyanji psedu kielien kielieku wo.

Beyeshi niekozi iyanzi pusho, olon iyanzi wo.

Khareidene beye jieredu uzhese zholien wo giesan iyanzila chaizhi genjia ulie olune.

Beyede gon nudunshi matugie chenliene? Beyede gon chighinshi matugie funqiene? Huda goya isighalane buxiantu iyanzii nienieji beye jiere teiwo. Soyujila man niekozi iyanzishi matugie beye sanane?