Popular Bible Verses from ГӀакъилал рагӀаби 29

Share

Инсанасукьа хӀинкъиялъ къор гъола, БетӀергьанасде тӀамун тарасе хӀинкъи букӀунаро.

Аллагьасул калам рехун тараб халкъ пасалъула, гьардарав гурищха Къануналда рекъон хьвадулев чи.

ГӀабдалас жиндирго кинабго ццин къватӀибе гьулчула, гӀакъиласда кӀола жиндаго квелъ базе.

НасихӀаталъул хьопоца гӀакълу щвезабула, тӀалаб гьабичӀого тараб лъимаца эбелалъе рогьо-нич гьабула.

Дурго васасе гӀадлу гьабе, – гьес мун вохизавила ва дур рекӀел хӀалхьезабила.

ГӀамалкӀодолъиялъ инсан гӀодовегӀанлъизавула, рекӀелъ хӀеренлъи-хӀалимлъи бугес хӀурмат-хъатир тӀаде цӀала.

Ццидалав чияс питна багъаризабула, ццин хехасулги мунагьал гӀемерлъула.

КӀалъазе гӀедегӀулев чи вихьанищ дуда? Гьесиеялдаса лъикӀ букӀина гӀабдаласе.