Popular Bible Verses from Матфей 17

Share

ГӀисаца гьезда абуна: – Божи-иман дагьаб бугелъулха нужелъ! ХӀакълъун абулеб буго дица нужеда: горчицаялъул хьодул мугьгӀанасеб божи нужелъ бугони, нужеца гьаб мегӀералда абила гьаниса бахъун добегӀан айилан, ва бахъун добегӀан ина гьеб. Гьедин нужеда кӀолареб жо щибниги букӀине гьечӀо.

ГӀисадехун Пётр гьедин кӀалъалев вукӀаго, гьале цо гвангъараб накӀкӀул парча бачӀун рахчизаруна гьел. Гьале гьеб накӀкӀуда гьоркьосан бахъана цо гьаракь: – Гьав вуго дие вокьулев дир Вас, гьасдаса вохун вуго Дун! Гьасухъ гӀенекке нуж!

Гьебмехалъ ГӀисаца абуна: – Гьай, нуж иман гьечӀеб ва пасатаб наслу! КидалъагӀан дун нужеда цадахъ вукӀинев ва кидалъагӀан дица нуж хӀехьелел! Гьаниве ваче гьев дида аскӀове. ГӀисаца амру гьабидал, васасул чорхолъа къватӀибе лъугьана жен. ГьебсагӀат сахлъана гьев.