Popular Bible Verses from Левит 10

Share

Гьарунил васал Надавицаги Авигьуцаги жинди-жиндир гьуинмахӀал рухӀулеб щурун босана, амма гьениб жаниб БЕТӀЕРГЬАНАС бихьизабичӀеб батӀияб цӀа лъуна, тӀаде махӀгьуинаб жубайги бана, ва гьеб Гьесда цебе босана.

Гьеб бихьидал, Мусаца Гьарунида абуна: «Гьале БЕТӀЕРГЬАНАС абун букӀараб: „Диде гӀагарлъулезда Дица Дирго тӀадегӀанаб бацӀцӀалъи бихьизабила; ТӀолабго халкъалда цебе Дирго къудрат загьир гьабила“, – ян». Гьарун сихӀкъотӀун чӀана.

Гьебмехалъ БЕТӀЕРГЬАНАСУЛ цӀа рещтӀана, ва цо параялда жанир гьеб цӀаялъ рухӀана гьел – кӀиялго БЕТӀЕРГЬАНАСДА цере хвана.