Popular Bible Verses from Байбихьи 39

Share

БЕТӀЕРГЬАН Аллагьас Юсупие кумек гьабулеб букӀана, ва жиндирго хважаинасул рокъоб сундулъгоги битӀ кколеб букӀана гьесие.

Жиндирго бугебщинаб жо Юсупил кверщаликье кьуна гьесул хважаинас; квана-гьекъей гурони, тӀокӀаб жоялъул ургъел гьечӀого, рахӀаталда вукӀана гьанже мисрияв. Юсуп вукӀана гьумерги берцинав лага-черхги чӀурканав чи.

Жанир тӀамун ругел киналго туснахъал гьес Юсупил ихтияралде кьуна. Гьанже туснахъалъул бетӀерасул бакӀалда Юсупица гьабулеб букӀана кинабго

Ккун вачун, Юсуп пачаясул туснахъалде рехейилан буюрана гьес. Гьедин туснахъалъуве ккана Юсуп. Амма БЕТӀЕРГЬАНАС рехун течӀо гьев ва гьесда рахӀму-цӀоб лъуна: туснахъалъул бетӀерасе рекӀее гӀуна Юсуп.

Хважаинасул лъадуца берал речӀчӀаризарулел рукӀана гьесде. Цо къоялъ гьелъ гьесда абуна жинда аскӀов вегайилан. Амма, инкар гьабун, Юсупица абуна: «Хважаинас дир ихтияралде кьуна жиндирго бугебщинаб, гьединлъидал гьес сундулго ургъел гьабизе кколаро. Гьаб къавулъ гьесда бащадго амру-буюрухъ кьезе изнуги буго дие. Дие гьукъараб жоги щибго гьечӀо гьаниб, цохӀо мун хутӀизегӀан: мун гьесул лъади йигелъул. Цинги гьединаб хӀалихьалъи кинха дица гьабилеб? Аллагьасда цебе гьединаб мунагь кин биччалеб?»

Цо нухалда жиндирго хъулухъ тӀубазабизе Юсуп хважаинасул рокъове лъугьиндал, рукъалъул агьлуялъул цониги чи вукӀинчӀо гьенив. Гьебмехалда гьей гӀаданалъ къан ккуна гьасул ретӀел, жинда аскӀов вегайиланги абун. Амма гьелъул хъатикь жиндирго ретӀелги тун, Юсупица хехго нуцӀихъе нух босана ва минаялдаса къватӀиве лъутана.