Popular Bible Verses from Къанун 4

Share

Хадуб нужерго БЕТӀЕРГЬАН Аллагьасде руссине бокьила нужее – Гьесги Живго загьир гьавизе вуго, тӀолабго рухӀги жанги кьун ракӀ-ракӀалъго нуж Гьесдехун руссани.

Нужер БЕТӀЕРГЬАН Аллагь рахӀмуяв вугелъул: Гьес нуж рехун теларо ва ракьалдаса тӀагӀинариларо, – нужер умумулгун гьабураб Жиндирго КъотӀиги гьедараб гьаги Гьесда кӀочон тезе гьечӀо.

Нужер БЕТӀЕРГЬАН Аллагь вуго щибгоги кӀкӀвинабулеб цӀалъун! Гьев вуго хилиплъи хӀехьоларев Аллагь!

Вореха, цӀодорго рукӀа, киданиги кӀочонге нужер беразда бихьараб – нужго чӀаго ругебгӀан мехалъ рекӀелъ цӀуне ва нужерго лъималаздаги гьезул лъималаздаги малъе гьеб.

Нужеда лъай ва кидаго рекӀелъ цӀуне: БЕТӀЕРГЬАН вуго зобалазулги ракьалъулги Аллагь – Гьев тун батӀияв цоги Аллагь гьечӀо!

ГьечӀелъул нилъеде гӀадин жидер аллагьзаби жидеде гӀагарлъараб цониги батӀияб кӀудияб халкъ! Нилъер БЕТӀЕРГЬАН Аллагь нилъеде гӀагарав вуго, кида щиб нилъеца гьараниги.

Гьеб кинабго лъугьараб ва балагьазукье нужги ккараб заман бачӀиндал, нуж цӀидасан БЕТӀЕРГЬАН Аллагьасде руссина ва Гьесие мутӀигӀлъила.

Дица нужеда лъазабурабщиналда тӀаде щибго жубаге, щибго тӀасаги бахъуге – дица нужеда малъарал БЕТӀЕРГЬАНАСУЛ амраби тӀуразаре.