Popular Bible Verses from Даниял 2

Share

гьадинаб дугӀа гьабуна: «Абадул абадиялъего Аллагьасе рецц! Гьесулъ бугелъул гӀакълуги къуватги. Заманги гӀасрабиги Гьес хисизарула; пачазаби тахиде рахинарула ва гъоркьеги рехула; гӀакъилазе гӀакълу кьола, цӀодоразе – лъай щола; Гьес балъголъиялъул тӀину тӀатинабула, бецӀлъиялъукь тӀупарабги Гьесда лъала. Канлъиялъул хӀубилъунги Гьев вуго.

Даниялица пачаясе жаваб кьуна: «Пачаяс цӀехолеб балъголъи тӀатине кӀоларо, я гӀакъилзабазда, я сихӀручагӀазда, я балъголъи лъалел чагӀазда, я нужумчагӀазда. Амма балъголъаби загьир гьарулев Аллагь зобалазда вуго! Гьесин Навуходоносор пачаясда бихьизабураб гьаб дунялалъул ахиралда букӀине бугебги. Гьале мун къаси кьижун вукӀаго дуда бихьараб макьу.

Гьел пачабазул заманалда Зобалазул Аллагьас абадияб, гучаб ва цогидал халкъазда жидерго кверщаликье ккезабизе кӀолареб пачалихъ бижизабизе буго. Гьелъ гъуризе ва щущазаризе руго гьел киналго пачалихъал, жибгойин абуни абадиялъего щулалъизе буго.