Popular Bible Verses from 4 Пачаби 6

Share

ЭлишагӀица дугӀа гьабуна: «Я БЕТӀЕРГЬАН, рагье гьасул берал, гьасда канлъи бихьизе букӀине!» Цинги БЕТӀЕРГЬАНАС лагъасул берал рагьана ва гьесда бихьана ЭлишагӀида сверухъ магӀарда киса-кирего цӀадул чуялги чолгьакалги рукӀин.

«Мун хӀинкъуге, – ян абуна аварагас. – Нилъер рахъалда ругел, дозул рахъалда ругездаса цӀикӀкӀун руго».

ХъахӀлъи рехулеб гӀужалъ ЭлишагӀил лагъ тӀаде вахъун къватӀивехун вилълъиндал, гьесда бихьана чуялгун ва чолгьакалгун цадахъ аскаралъ шагьар сверун ккун букӀин. «Вай, дир бетӀергьан, щиб гьанже нилъеца гьабилеб?» – ин абуна лагъас.

Тушбабаз гьесда тӀаде гьужум гьабизе байбихьарабго, ЭлишагӀица БЕТӀЕРГЬАНАСДЕ дугӀа гьабуна: «Цо хутӀичӀого беццлъаги гьал чагӀи», – янги абун. ЭлишагӀ аварагасул рагӀуда рекъон, БетӀергьанас гьел беццлъизаруна.

ЭлишагӀица цӀехана: «Кибе гьеб бортараб?» – ин. Гьес гьеб бортараб бакӀ бихьизабун хадуб, ЭлишагӀица къотӀун цо гӀаркьел рехана гьенибе ва махх тӀаде борхун бачӀана.

ГъветӀ щапизабулев вукӀаго, гьезул цоясул гӀощтӀол махх бортун ана лъадалъе. «Вай, дир бетӀергьан! – ин ахӀдана гьев. – Дица гьеб чияхъайин босун букӀараб!»

«Босе гъоб», – ин абуна гьес. Дов чияс кверги битӀун босана гьеб.