Popular Bible Verses from 4 Пачаби 4

Share

ЭлишагӀ аварагас абуна: «Кин гьанже дица дуе кумек гьабилеб? Бице дида, щибгӀаги багьаяб жо бугищ дур рокъоб?» «Зайтуналъул нахул цо гьитӀинаб хъаба хутӀун тӀокӀаб щибго гьечӀо дур лагъалъул», – ин абуна гьелъ.

Цо гӀадан – аварагзабазул лъудбузул цояй – малъ къосун ЭлишагӀ аварагасда кӀалъана: «Дир рос хвана. Дуда лъала гьев дуе хъулухъалъе чӀарав ва БЕТӀЕРГЬАНАСЕ мукӀурав чи вукӀаравлъи. Гьанже гьес къарзалъе жиндихъа гӀарац босун букӀарав чи вачӀун вуго лагъзаллъун гьарун дир кӀиявго вас вачине».

ЭлишагӀ аварагас абуна: «Инеги ун, дурго мадугьалзабазухъа кьезарун кӀваралгӀан гӀемерал чӀорогоял хъабаби ракӀаре.

Цинги рокъое жание йилълъун дудаго ва дурго васазда хадуб каву рахай; доб нах гьел хъабазда жанибе тӀе ва цӀура-цӀураб нахъе лъе».

Киналго хъабаби цӀуна; гьелъ цоги кье гьанибейин абуна жиндирго васасда. Амма, тӀокӀаб хъаба хутӀичӀин жаваб кьуна гьес. Цинги нахул чвахи къотӀана.

Гьелъ йилълъун дов Аллагьасул аварагасда бицана кинабго ва гьес абуна: «Мун а гьанже нах бичизе, цинги налъи бецӀе, – хутӀарабщинаб дуеги дурго васазеги яшавалъе хӀалтӀизабе».

Жиндирго васалгун цадахъ рокъое жаниеги йилълъун гьелъ каву жаниса рахана. Гьелъул васаз гьелда цере лъолел рукӀана хъабаби, ва гьелъ гьезда жанибе нах тӀолеб букӀана.

Хадув гьев бусада тӀадеги вахун, васасул къаркъалаялда тӀад вегана – кӀал кӀалалда, берал беразда, кверал кверазда цузаруна. Гьедин гьев тӀад вегидал васасул черх хинлъун бачӀана.