Popular Bible Verses from Коринфиязухъе кӀиабилеб кагъат 4

Share

Беразда бихьулебаб гуреб, бихьуларебаб гӀадахъ босулеб буго нилъеца. Беразда бихьулебаб – тӀаса унелъул, бихьуларебаб – абадияб бугелъул!

Гьединлъидалин ниж ракӀ гӀодоб чӀван рукӀунарел. Нижер чорхол чӀаголъи дагь-дагьккун чӀунтулеб бугониги, рухӀияб чӀаголъи щибаб къоялъ цӀилъулебго цӀилъулеб буго. Гьаб тӀадагьаб, дагьаб заманаялъулаб гӀазаб-гӀакъубаялъ нижее къачӀалеб буго гьелда данде ккун кутакалда цӀикӀкӀараб абадияб нигӀмат.

Киналго нижеде тӀаделъун руго, амма нижее рорчӀизе бакӀ хутӀун буго. Ниж рес къотӀун руго, амма хьул къотӀун гьечӀо. Нижее гӀадамаз гӀазаб-гӀакъуба кьолеб буго, амма Аллагьас ниж рехун тун гьечӀо. Ниж гӀодор ккезарун руго, амма къун гьечӀо.

Хазина жаниб цӀунарал гьадингоял щагӀил рагӀазда релълъун руго ниж. Нижелъ загьирлъараб цӀакъго цӀикӀкӀараб къудрат, нижедасан гуреб, Аллагьасдасан бугеблъи бихьуларищ гьелдасан?

гьаб дуниялалъул кверщел кодоб бугеб илбисалъ ракӀ бецлъизабуразе, – Аллагьасул суратлъун вугев МасихӀил къудраталъул хӀакъалъулъ Рохалил хабаралъул Нур гьезда бихьунгутӀизе.

НекӀо бецӀлъи бачахъизе канлъи бижарав Аллагьас гьеб канлъи нилъер рекӀелъеги лъугьинабуна. ГӀиса МасихӀил гьурмалъ гвангъараб Илагьияб Нур нилъее загьирлъизелъун гьабуна гьес гьедин.