Popular Bible Verses from Пётрил тӀоцебесеб кагъат 2

Share

Нуж руго тӀаса бищараб агьлу – Зобалазул ПарччахӀасул кашишзаби, мукъадасал гӀадамал, Аллагьасул жиндирго халкъ. Гьес бецӀлъиялдаса нуж жиндирго гьайбатаб нуралде ахӀана жиндирго чӀахӀиял ишазул хӀакъикъат тӀибитӀизабизе.

Нилъер мунагьал гьес жиндирго чорхолъ хъанчалда тӀаде росун ана, мунагьазе нилъ хвараллъун рукӀине, амма ритӀухълъиялъе – чӀагояллъун хутӀизе. Гьесда лъурал ругъназдалъун нилъер чурхдул сахлъана. АхӀун риччарал чахъаби гӀадин рукӀарал нуж гьанже Вехьасда аскӀоре тӀадруссана, нужер рухӀал цӀунулесухъе рачӀана.

Цере нуж цо халкъ букӀинчӀо, гьанже нуж Аллагьасул халкъ ккола. Цебе нужеда цӀоб лъун букӀинчӀо, гьанже нужеда цӀоб лъун буго.

гьабсагӀат гьабураб лъимер гӀадин, нужги гӀедегӀе бацӀцӀадаб рухӀанияб рахьдаца къеч буссинабизе, гьеб гьекъон нужго кӀудиял гӀезе ва хвасарлъизе.

Гьаб дуниялалъул рокъор нуж нухлулалги апарагзабиги ругелъул, дица нужеда гьарула, хириял, нужер рухӀалда данде багъулеб чорхол гьаваялдаса напс цӀуне. Мажусиязда гьоркьор цӀакъго лъикӀ хьвадизе ккола нуж, нужеца квешлъи гьабунилан гьез нужеда гӀайиб чӀвараб мехалъгицин, жидее лъикӀлъи гурони гьабичӀин нужецайилан мукӀурлъун, ГӀиса МасихӀ ракьалде вачӀараб къоялъ гьез Аллагьасе рецц гьабизе.

Нужгоги чӀагоял ганчӀаллъун ругелъул, нужгоги къадалъ лъун балеб буго мукъадасаб рукъ. Гьенир нуж рукӀина Аллагьас тӀаса рищарал кашишаллъун, ва ГӀиса МасихӀидалъун Аллагьас къабул гьарулел илагьиял къурбаналги кьела нужеца.

Гьанже кинабго квешлъиги, хӀилла-рекӀкӀги, ххвелал гьариги, жахӀда-хӀусудги, мацӀги рехун тун

Къадалъ лъезе ярагьунарилан гӀадамаз нахъе рехараб, амма Аллагьас тӀаса бищараб, къиматаб ва чӀагояб ГанчӀихъе рачӀа нуж.

Эркенаб гӀумру гьабе нужеца, амма гьеб эркенлъи квешлъиялъе хӀалтӀизабуге, – Аллагьасул лагъзаллъун рукӀа.

Аллагьасул амру буго лъикӀал ишаздалъун нужеца гӀабдалзабазул жагьилаб кӀал къазабеян.