Popular Bible Verses from Коринфиязухъе тӀоцебесеб кагъат 15

Share

Гьеле гьедин, дир хириял вацал, къвакӀун чӀа нуж, къуркьуге нуж. ТӀадегӀанасе гӀоло тӀадчӀун хӀалтӀе. Нужеда лъан букӀа: ТӀадегӀанасде цолъун гьабураб нужер хӀалтӀи гӀадада холаро.

Нилъер ТӀадегӀанав ГӀиса МасихӀидалъун нилъ бергьинарулев Аллагьасе рецц!

Нужго гуккизе чӀоге. Квешазда аскӀоре къани, лъикӀаб гӀамалалдаса ратӀалъула.

Амма Аллагьасул баркаталдалъун гьанже дун вуго гьав нужеда вихьулев чи. ГӀадада гуро Аллагьас диде баркат рещтӀинабураб. Дол чапарзабаздасаги цӀикӀкӀун хӀалтӀана дун. Дун гуревха хӀалтӀарав, дилъ бугеб Аллагьасул баркат хӀалтӀана.

Хадубги: «Хвел, киб бугеб дур бергьенлъи! Хвел, киб бугеб дур хеч!» Хвалил хеч ккола мунагь. Мунагьалъе къуват Къануналдасан щола.

Цо балъголъи рагьила нужее: киналго гуро нилъ холел, амма ахирзаманалда ссур пураб мехалъ, бер къапизегӀан заман иналде, хиса-сверула нилъ. Ссур пула ва хварал тӀаде рахъинарула. Хвел гьечӀеллъун рахъина гьел тӀаде. Нилъги хиса-сверила.

Цо чи сабаблъун бачӀана хвел, цо чи сабаблъун бачӀана хваралъуса рахъинариги. Адамил наслу бугелъул киналго хвезе руго, МасихӀил наслулъун лъугьиндал, киналго хваралъуса рахъинаризе руго.

Турулебаб турулареблъун лъугьине ккола, холебабги холареблъун лъугьине ккола.

МасихӀица парччахӀлъи гьабила Аллагьас гьесул киналго тушбаби гьесул малакь чӀезаризегӀан. Бищунго ахиралда къезабулеб тушман ккола хвел.