Popular Bible Verses from Римын улӥсьёслы 5

Share

Но Инмар Аслэсьтыз асьмемыз яратэмзэ та пыр возьматӥз: Христос асьме понна кулӥз, куке асьмеос сьӧлыкоесь на вал!

нош оскиськон возьытэ уг вутты, малы ке шуоно Инмар Аслэсьтыз яратонзэ асьмелы сётэм Святой Дух пыр сюлэмъёсамы кисьтэ.

Таин гинэ ӧвӧл, куректон-кайгуосын но ушъяськиськомы. Тодӥськомы уго: куректон-кайгу бордысь чидан потэ. Чидан бордысь быгатон-тодон потэ, быгатон-тодон бордысь – оскиськон

Озьыен, оскон пыр шонере потыса, Кузё-Инмармы Иисус Христос пыр табере асьмелэн Инмарен тупаса улонмы вань. Осконмы ванен Иисус пыр асьмеос дэлет басьтонэ пырыны быгатӥсьёс луимы. Со дэлетэн улӥськомы но Инмарлэн данлыказ пыронлы оскиськонэн ушъяськиськомы.

Уго Христос, асьмеос, сьӧлыкоос понна, куке асьмеос кужымтэмесь на вал, Инмарлэн тупатэм дыраз кулӥз.

Соин ик Солэн Вирыз пыр асьмеос, шонере потэмъёс, уката табере, Со пыр Инмарлэн вожпотонэзлэсь утемын луомы.

Уго кызьы одӥг муртлэн кылзӥськымтэеныз сэрен трос адямиос сьӧлыко луизы, озьы ик Одӥг Адямилэн кылзӥськонэз троссэ адямиосты шонер улӥсь кароз.

Та гинэ ӧвӧл! Асьмеос Инмарен ушъяськиськомы, нош та ушъяськонмы Кузё-Инмармы Иисус пыр луиз, Со валлин асьмелэн Инмарен кусыпъёсмы тупатскизы.