Popular Bible Verses from Лыдпусъёс 22

Share

Соку Кузё-Инмар мумы ишаклэсь ымзэ усьтӥз но, со Валаамлы шуиз: «Мар мон тыныд лэсьтӥ, тани, тон куинь пол кутскыса ини монэ жугиськод?»

Соку Кузё-Инмар Валаамлэсь синзэ усьтӥз но, со сюрес шорын кияз сепыс-пуртэсысь поттэм мечен сылӥсь Кузё-Инмарлэсь Кылчинзэ адӟиз, со азе пыдесъяськыса ымныр вылаз выдӥз.

Кузё-Инмарлэн Кылчинэз солы шуиз: «Мар понна тон аслэсьтыд мумы ишактэ куинь пол кутскыса жугид ини? Мон потӥ [тыныд] азьлане мыныны люкетон понна, малы ке шуоно [тынад] сюресэд Мон азьын ярамон ӧвӧл

Нош мумы ишак Валаамлы шуиз: «Кутсконысеныз туннэ нуналозь тонэ ас вылам нуллӥсь мумы ишакед мон ӧвӧл-а? Тонэн тазьы вырыны мынам сямы вал-а?» Со шуиз: «Ӧй вал».

Валаам мумы ишаклы шуиз: «Монэ сантэмамед понна та; мынам киям меч луысал ке, соку ик мон тонэ виысал».

Мумы ишак Кузё-Инмарлэсь Кылчинзэ адӟиз но Валаам улэ выдӥз. Соку Валаамлэн туж вожез потӥз но мумы ишакез бодыен жугыны кутскиз.