Popular Bible Verses from Лука 6

Share

Сётэлэ, тӥледлы но сётӥськоз: тыр мертэтэн мертаса, сэзъяса, туйылыса, пачыл карыса тӥледлы, тӥляд кияды сётӥськоз. Уго кыӵе мертэтэн мерталоды, сыӵеен ик тӥледлы но мертаськоз».

Ӟеч адями ас сюлмызлэн ӟеч шыкысысьтыз ӟечсэ поттэ, нош лек адями сюлмызлэн лек шыкысысьтыз лексэ поттэ. Уго сюлэм пачылмыку, кыл вера.

Нош тӥ тушмонъёстэс яратэлэ, ӟеч уж лэсьтэлэ, пунэмен сётэ, берен номыр но басьтыны малпатэк. Тӥляд туж бадӟым медды-кузьымды луоз, Вылысь Инмарлэн нылпиосыз луоды. Со уго тау карисьтэмъёслы но, лекъёслы но ӟеч.

Кыӵе тӥляд атайды жалясь сюлэмо, тӥ но жалясь сюлэмоесь луэлэ.

Судить эн каре, тӥ но судить каремын уд луэ. Эн курлалэ, тӥ но курламын уд луэ. Простить каре, тӥ но простить каремын луоды.

Тӥледлы, кылзӥськисьёслы, верасько: тушмонъёстэс яратэлэ, тӥледыз кӧтвеськантэм карисьёстылы ӟеч каре, тӥледыз каргасьёсты бакель каре, тӥледыз ултӥясьёс понна вӧсяськелэ.

Адямиослы озьы лэсьтэ, кызьы асьтэлы соослэсь лэсьтэмзэс кулэ кариськоды.

Бамад чабкись муртлы мукет палзэ но пукты. Выл дӥсьтэ талась муртлы эн люкеты дэремдэ но басьтыны. Котькинлы, курись муртлы, сёт, тынэсьтыд басьтэм муртлэсь берен эн кур.

Ӟеч писпу урод емыш уг сёты; урод писпу но ӟеч емыш уг сёты.

Котькыӵе но писпуэз емышезъя тодманы луэ, малы ке шуоно смоква емышез тёрнпуысь уг бичало, виноградэз но емыш сётӥсьтэм куакысь уг окто.