Popular Bible Verses from Потон 3

Share

Инмар Моисейлы шуиз: «Мон Со, Кин Вань». Собере шуиз: «Израиль пиослы тазьы шу: ”Кинлэн нимыз «Мон Вань», Со монэ тӥ доры ыстӥз”».

Соку [Инмар] шуиз: «Мон тонэныд огазьын луо; Мон тонэ ыстӥ шуыса, тани тыныд тодмет: [Мынэсьтым] калыкме Египетысь поттӥд ке, та гурезьын Инмарлы вӧсяськыса улоды».

Соку Инмар шуиз: «Татчы матэ эн лыкты; пыдысьтыд кутчандэ кыль, тынад али сылон интыед – святой музъем ук».

Соку Кузё-Инмар [Моисейлы] шуиз: «Аслам калыкелэсь Египетын курадӟемзэ адӟи, ужамзэс чакласьёслэн ӝикатэмзылы чидатэк, викышъяса бӧрдэмзэс кылӥ. Солэсь куректон-кайгуоссэ тодӥсько, соин ик Ас калыкме со музъемысь, египет калыклэн киулысьтыз мозмытыны, йӧлын, чечыен бызись ӟеч, эркын музъеме поттыны мынӥсько, хананейёслэн, хеттейёслэн, аморрейёслэн, ферезейёслэн, [гергесейёслэн,] евейёслэн, иевусейёслэн улоно музъемазы вайыны мынӥсько.

Соку со азе ӝуась тёрнпу куак пушкысен Кузё-Инмарлэн Кылчинэз возьматскиз. Со адӟиз: тёрнпу куак тылын ӝуа, но ӝуаса уг быры.

Озьыен, мын: Мон тонэ фараон [Египетлэн эксэез] доры ыстӥсько; Мынэсьтым калыкме, израиль пиосты, Египетысь потты».