Popular Bible Verses from Потон 23

Share

Инмардылы Кузё-Инмарлы ужаса-тыршыса улэ, соку Со тӥлесьтыд няньдэс но, [винадэс но,] вудэс но бакель кароз; тӥ дорысь висёнъёсты палэнто. Соку тынад музъем вылад нуныос дырызлэсь вазь вордӥськыса уз быре, кышноос нылпи вайисьтэмесь уз луэ; улоно нуналъёстэс уг вакчияты, кема улон аръёс сёто.

Тани, Мон тынад азьтӥд [Аслэсьтым] Кылчинме ыстӥсько тонэ сюрес вылын дыръяд утьыны но Мынам тыныд дасям интыям [тонэ] пыртон понна

[Мынэсьтым верам кылъёсме санэ поныса улӥд ке, мар ке тыныд верай, сое ваньзэ быдэсъяса улӥд ке, сӥзён-косонме утид ке, соку тӥ дунне вылысь калык выжыос пӧлысь Мынам быръем калыке луоды, уго быдэс музъем – со Мынам; тӥ Мон дорын эксэй священникъёс луоды, святой калык луоды. Та кылъёсты израиль пиослы вера.] Тон Солэсь верам кылъёссэ санэ поныса улӥд ке, мар ке [тыныд] верай, сое ваньзэ быдэсъяса улӥд ке, соку тушмонъёсыдлы тушмон луо, тыныд пумитъяськисьёслы пумитъяськись луо.

Тросэз шонертэм уж лэсьто ке, тон соослэн урод ужазы эн пыриськы, суд ужъёсты сэрттыкуд-пертчыкуд, тросэз сьӧры мыныса, шонерлыклэсь эн палэнскы; куанер адямилы но, со янгыш ке, судын эн дурбасьты.

Ӧрекчи кылъёсты пеляд эн поны, сьӧлыклэсь кышкасьтэмлы кидэ эн сёты, – шонертэм ужез шонере поттӥсь эн луы.