Popular Bible Verses from Ефесын улӥсьёслы 5

Share

Инмарлэн яратоно нылпиосыз луиськоды бере, Инмарлэсь адӟем карыса улэ. Яратонэн улэ, кызьы Христос асьмеды яратӥз но асьме понна Ассэ Инмарлы курбон сётӥз, – ческыт зыно, Инмарлы ярась курбон сётӥз.

Чаклаське, сак улэ, укылтэмъёс кадь эн улэ, визьмо муртъёс кадь улэ. Дырдэс юнме эн быдтэ, кескич нуналъёс вуэмын уго.

Винаез кудӟытозяды эн юэ, со бордысь азыса-калгыса улон потэ; Духен тыр луыса улэ. Куспады псалом чирдыса, данъян кылбуръёсын, духовной кырӟанъёсын ог-огдэс визьмалэ. Вань сюлмысьтыды кырӟаса, Кузё-Инмарез данъяса улэ. Асьмелэн Кузё-Инмармылэн Иисус Христослэн нимыныз котьку но ваньмыз понна Инмар Атайлы тау каре.

Укылтэмесь эн луэ, Инмарлэсь эриксэ валаны тырше.

Пиосмуртъёс! Яратэлэ асьтэлэсь кышноостэс, кызьы Христос Черкез яратӥз, со понна Со Аслэсьтыз улонзэ сётӥз.

Куке но тӥ пеймытлык вал, нош табере, Кузё-Инмар бордын улыса, югытлык луиды. Югытлыклэн нылпиосыз кадь улэ ук.

Инмарлэсь кышканэн ог-огдылы тэрытске.

Кышномуртъёс! Кузё-Инмарлы кадь кузпалъёстылы тэрытске

Котькудӥз тӥ пӧлысь аслэсьтыз кышнозэ ассэ ачиз кадь мед яратоз; нош кышномурт аслэсьтыз картсэ гажаса, сӥлы карыса мед улоз.

Соин ик адями аслэсьтыз атайзэ, анайзэ кельтоз но аслаз кышноез борды лякиськоз, соос кыкназы одӥг лулмугор луозы.

Емыш сётӥсьтэм пеймытлыклэн ужъёсаз эн пыриське, соосты шарае, кыре поттэ.