Popular Bible Verses from Кыкетӥ Закон 6

Share

Инмардэ Кузё-Инмарез вань сюлмыныд, вань лулыныд, вань кужмыныд яраты.

та кылъёсты нылпиосыдлы ялан вералля – гуртад пукыкуд но, сюрес кузя мыныкуд но, изьыны выдыкуд но, изьыса султыкуд но.

Туннэ тыныд сӥзьыса сётэм та кылъёсы тынад сюлмад, [тынад лулад] мед улозы

Кылзы, Израиль: асьмелэн Инмармы Кузё-Инмар – одӥг Кузё-Инмар

Пусэз-тодметэз кадь соосты ки бордад дум, кымесад думем йыркерттэт кадь мед луозы.

Гожты соосты коркаедлэн ӧс янакъёсыз борды, озьы ик кар капкаос борды но.

Инмаредлэсь Кузё-Инмарлэсь кышка, Солы [Огназлы гинэ] ужаса-тыршыса ул, [Со борды лякиськы,] Солэн нимыныз кыл сёт.

Авраам, Исаак, Иаков атайёсыдлы тыныд сётыны сӥзьыса верам музъемаз, тынад киыныд лэсьтымтэ бадӟымесь, умоесь городъёсаз Инмаред Кузё-Инмар тонэ пыртӥз ке, кытын котькыӵе ваньбурен тырмытэм коркаос вань – со ваньбурез тон ӧд люка, изэз кораса лэсьтэм колодчаос вань – со изэз тон ӧд кора, виноградпуд бакчаос, вӧйпу садъёс вань, кудъёссэ тон ӧд мертты, соослэсь емышъёссэс сиёд, кӧттэ тырод, соку чакласькы-утиськы: [сюлмыд медаз сӧриськы,] Египет музъемысь, ляльчиын улон юртысь, тонэ поттӥсь Инмардэ Кузё-Инмарез медад вунэты.

Инмардылэсь Кузё-Инмарлэсь тӥледыз дышетыны косӥсь курон-косонъёссэ, пуктон-косонъёссэ, законъёссэ али киултыны мыноно музъемады улыны интыяськем берады быдэсъяса мед улоды. Инмаредлэсь Кузё-Инмарлэсь кышканэн мед улод, Солэсь вань пуктон-косонъёссэ, [туннэ] сӥзёно вань курон-косонъёссэ тон но, тынад пиосыд но, пиосыдлэн пиоссы но вань улон нуналъёсты ӵоже быдэсъяса мед улоды, – улоно нуналъёсты тросгес мед луозы.

[Инмаредлэн] Кузё-Инмарлэн син азяз шонерлыко, ӟечлыко ужъёс лэсьтыса ул, соку тынад улонэд ӟечлыко луоз, Кузё-Инмарлэн тынад атайёсыдлы кыл сётыса сӥзем музъемаз пырод но со ӟеч музъемез киулад басьтод.

уго тон пӧлын улӥсь Инмаред Кузё-Инмар – кылэз юн юась Инмар; Инмаредлэн Кузё-Инмарлэн вожпотонэз медаз ӝуатскы но музъем вылысь Со тонэ медаз быдты.

Мурт инмаръёс пала, тӥляд котырады улӥсь калыкъёслэн инмаръёссы доры эн мынэ

Инмардылэсь Кузё-Инмарлэсь визьзэ сынаса эн улэ, кызьы тӥ Массаысен Солэсь визьзэ сынаса улӥды.