Popular Bible Verses from Кыкетӥ Закон 11

Share

та кылъёсты нылпиостылы вералэ, нылпиостэс дышетэ, – коркад пукыкуд но, сюрес кузя мыныкуд но, изьыны выдыкуд но, изьыса султыкуд но

Озьыен, Мынэсьтым та верам кылъёсме сюлмады понэ, лулады пыртэ, пусэз-тодметэз кадь соосты ки вылады думе, син йылады йыркерттэт интыын соос мед луозы

Туннэ верам курон-косонъёсме кабыл басьтыса улӥды ке, Инмардэс Кузё-Инмарез яратӥды ке, вань сюлмыныды, вань лулыныды Солы ужаса-тыршыса улӥды ке, соку Мон тӥляд музъемдылы вазьзэ но, берзэ но зорез ас дыраз сёто, нош тон ю-нянен, винаен, вӧйын узыр луод

Яраты аслэсьтыд Инмардэ Кузё-Инмарез, мае Со утьыны косӥз – Солэсь пуктон-косонъёссэ но, Солэсь законъёссэ но, Солэсь курон-косонъёссэ но – вань нуналъёс ӵоже утьыса ул.

Тани, мон туннэ тӥледлы бакель карон яке карган ӵектӥсько: туннэ тӥледлы мынэсьтым ивортэм Инмардылэсь Кузё-Инмарлэсь курон-косонъёссэ кабыл басьтӥды ке, бакель карон басьтоды, нош Инмардылэсь Кузё-Инмарлэсь курон-косонъёссэ кабыл ӧд ке басьтэ, туннэ тӥледлы быдэстыны возьматэм сюрес вылысь кожиды ке, тӥледлы тодмотэм, мурт инмаръёс сьӧры мынӥды ке, карган басьтоды.

со кылъёсты коркаедлэн ӧс янакъёсыз борды, ӟезьыосыд борды гожъя, музъем йылын кӧня нунал инбам возиськоз, Кузё-Инмарлэн атайёстылы сётыны сӥзем музъем вылаз сыӵе ик трос тӥляд улоно нуналъёсты, нылпиостылэн улоно нуналъёссы мед луозы.

Утиське-чаклаське: сюлэмды медаз сӧриськы но кырыже медад кошке, мурт инмаръёслы ужаны-тыршыны, йыбыртъяны медад кутске