Popular Bible Verses from 2 Петр 3

Share

Сӥзиськем кылзэ быдэстыны Кузё-Инмар уг ӝега, кызьы куд-огъёсыз тае ӝеган шуыса лыдъяло. Нокин но медаз быры, ваньмыз ӧпкельыса сьӧлыкъёсызлэсь мед куштӥськоз шуыса, Со асьмеды кема чидаса возьма.

Гажаноосы, тӥлесьтыд та ватӥськыса медаз кыльы: Кузё-Инмарлэн одӥг нуналэз сюрс ар кадь, нош сюрс арез – одӥг нунал кадь.

Асьмелэсь Кузё-Инмармес, Утисьмес Иисус Христосэз, тодыны дэлетты мед йылоз. Солы дан туннэ но, пумтэм вапумысь нуналэ но. Аминь.

Кузё-Инмарлэн нуналыз уйин лушкаськись кадь лыктоз. Со нуналэ инъёс куашетыса вырӟозы; котыр дунне ӝуаны кутскыса куашкалоз; музъем но, со вылысь вань ужъёс но ӝуаса бырозы.

Ваньмыз та тазьы куашкаса быроно ке, макем дун-чылкыт, Инмарлэсь кышкаса, шонер улыны кулэ тӥ, Инмарлэн нуналызлэсь лыктэмзэ возьмасьёс, дыртытӥсьёс, уго со нуналэ тылын гомаса ӝуась инъёс куашкалозы, котыр дунне тыл пушкын ӵыжаса сылмоз!