Popular Bible Verses from 2 Коринфын улӥсьёслы 4

Share

Ми адскись шоры ум, адскисьтэм шоры учкиськомы: уго адскисез ортчись-кошкись дырлы сётэмын, нош адскисьтэмез – ноку но бырылӥсьтэм луэ.

Соин ик ми куректыса ум улӥське; мугорын адями луонмы сисьме ке но, нош лулын адями луонмы нуналысь нуналэ выльдӥське. Уго вакчи дырлы сётӥськись капчи курадӟонъёсмы лыдъяса быдтонтэм, бырылӥсьтэм дан ваё.

Котькуд ласянь ми ӝикатэмын, но ӝикамын ӧвӧл; ми кышкыт учыръёсы сюрылӥськомы, но кышкатсконлы ум сётскиське; милемыз уйыло-улляло, нош милемыз Инмар уг кушты; пыд йылысьтымы погыртыло, нош ми али но улэпесь.

Асьмеос горд сюйлэсь лэсьтэм сосудъёс гинэ луиськомы, нош соос пушкын табыдӟа узырлык возиське; мертантэм бадӟым кужым асьме бордысь уг, Инмар бордысь потэ.

Та даурлэн ”инмарез” оскисьтэмъёслэсь визьзэс пеймытэн ӵоксаз, но соин ик Христослэн пиштӥсь данлыкез сярысь Ӟеч Иворлэсь югытсэ соос уг ни адӟо, нош Со Инмарлэн тусыз-образэз луэ.

малы ке шуоно Иисус Христос бордысен Инмарлэсь пиштӥсь данлыксэ тодон понна Инмар асьмелэсь сюлэмъёсмес югдытӥз. Та Инмар ик уго шуиз: «Пеймытысь югыт пиштыны мед кутскоз».