Popular Bible Verses from 1 Фессалоникаын улӥсьёслы 5

Share

Ялан шумпотонэн улэ. Дугдылытэк вӧсяське. Ваньмыз понна Инмарлы тау каре: уго Инмар тӥлесьтыд, Иисус Христос бордын улӥсьёслэсь, тазьы улэмдэс возьма.

Ачиз тупаса улонлэн Инмарез тӥледыз быдэсак дун-сьӧлыктэм мед кароз. Тӥляд духты, лулды, мугорды Кузё-Инмармылэн Иисус Христослэн лыктыкузлы дун-шектэм луыса мед возиськоз. Оскиськымон тӥледыз Ӧтись, Со ваньзэ тае лэсьтоз.

Чаклаське, нокин но нокинлы но уродэзлы пумит уродэн пунэмзэ медаз берыктылы. Ог-огдылы, вань калыклы котьку но ӟеч лэсьтыны тырше.

Соин ик, кызьы тӥ али лэсьтӥськоды, азьланяз но ог-огдылэсь мылкыддэс ӝутэ, ог-огдэс юнматэ.

Агай-вынъёсы, ми тӥледыз куриськомы: азьтэмъёсты визьмалэ, усем мылкыдын улӥсьёслэсь мылкыдзэс ӝутэ, начаръёслы юрттӥське. Котькытын, котьма ласянь чидасесь луэ.

Инмар асьмеды вожпотон улын возён понна ӧз бырйы, Кузё-Инмармы Иисус Христос пыр утиськон басьтон понна Со асьмеды бырйиз.

Уго ваньды тӥ югытлэн, нуналлэн нылпиосыз; асьмеос уйлэн, пеймытлэн нылпиосыз ӧвӧл.