Popular Bible Verses from 1 Петр 1

Share

Инмар, Кузё-Инмармылэн Иисус Христослэн Атаез данлыко! Аслаз быдӟым ӟечлыкеныз, Иисус Христослэн кулэмысь улӟыса султонэз пыр, асьмеды выльысь вордскытӥз улэп улонлы оскиськон сётон понна. Сисьмисьтэм, саптаськисьтэм, шуясьтэм-куасьмисьтэм люкет сётӥз, со асьме понна Инмын возиське.

Та пумысен шумпотэлэ, та виын пӧртэм визь сынаськонъёсын сэрен ӧжытак куректоно ке но луиды. Эскерем-чаклам осконды тыл пыр эскерем-чаклам ышись-бырись зарнилэсь но дуногес. Иисус Христос лыктыку, ушъян, сӥ-сан, данлык мед басьтоды.

Тӥледыз ӧтем Дун-Сьӧлыктэмлэсь адӟем карыса, тӥ асьтэос но быдэс улон-вылонады дун-сьӧлыктэмесь луэлэ; Гожтэмын уго: «Дун-чылкытэсь луэлэ, Мон дун-чылкыт уго».

Кылзӥськись нылпиос кадесь луэлэ, мугордылэн кулэ каронъёсызлы кузёяськыны эн сётӥське. Соос тӥ пушкын уло вал, куке тӥ утиськон сярысь номыр но уд на тодӥське вал.

Соин ик, визьдылэсь куссэ думыса, сэзь улыса, быдэсак оскиське Иисус Христослэн лыктон дыръяз тӥледлы сётӥськись дэлет вылэ.

Уго котькудӥз но лулмугор – турын кадь, адямилэн данэз но – турын пӧлысь сяська кадь: турын куасьмиз но, солэн сяськаез усьылӥз; нош Кузё-Инмарлэн кылыз пумтэм дауръёс улэ. Та самой со кыл, кудӥз тӥледлы Ӟеч Ивор шуыса тодытӥське.