Popular Bible Verses from 1 Иоанн 3

Share

Яратоно пиналъёсы! Кыл вылын, вераськыса гинэ ум, вае кутскоме уж вылын зэмзэ ик яратыса улыны.

Иисус Христос асьме понна лулзэ сётӥз – отысен асьмеос яратонэз тодӥмы. Асьмеос но агай-вынъёсмы понна лулмес сётыны дасесь луыны кулэ.

Учкелэ, Атай кыӵе юн асьмеды яратӥз, – Инмарлэн нылпиосыз шуыса нимаз, – Солэн нылпиосыз ик луиськомы но. Дунне Сое уг тоды бере, соин ик асьмемыз но уг тоды.

Сьӧлыкаса улӥсь мурт диаволлэсь луэ, малы ке шуоно вапумъёслэн кутсконысенызы ик диавол сьӧлыказ. Диаволлэсь ужъёссэ куашкатон понна ик уго Инмар Пи лыктӥз.

Инмарлэсь вордӥськем нокудӥз но адями сьӧлык уг лэсьты, малы ке шуоно Солэн кидысэз со пушкын улэ. Инмарлэсь со вордӥськемын бере, соин ик сьӧлыканы но со уг быгаты.

Кинлэн та дуннеын котьмаиз вань, нош братэзлэсь ёрмыса улэмзэ адӟыса вылысь солэсь палэнскыса сюлэмзэ со ворса ке, – кызьы сыӵе мурт бордын Инмарлэн яратонэз улоз?

Кин Инмарлэсь курон-косонъёссэ быдэсъяса улэ, со Инмар бордын улэ, нош Инмар – со бордын. Инмар асьме бордын улэ шуыса, Солэн асьмелы сётэм Духез тодытэ.

Инмарлэсь нылпиоссэ но диаволлэсьсэ нылпиосты тазьы тодманы луоно: котькудӥз шонертэм уж лэсьтӥсь мурт, агай-вынъёссэ яратӥсьтэм мурт – Инмарлэсь ӧвӧл.

Кутсконысеныз ик тӥ таӵе веранэз кылӥды: огмес огмы мед яратомы.

Агай-вынъёсы, тӥледыз дунне адӟемпотостэм каре ке, эн паймелэ.