Popular Bible Verses from 1 Коринфын улӥсьёслы 13

Share

Яратон кема чида, гажа-жаля; яратон уг вожъяськы; яратон ассэ вылӥе уг пукты, уг вылтӥяськы, яратон уг кереты, уг даллашы; аслыз пайда уг утча; уг керӟегъяськы, уродэз-лекез сюлмаз уг возьы.

яратон ваньмызлы дурбасьтэ, юн оске, чылкыт сюлмын оскиське, ваньзэ чида.

Со ӧрекчаськонлы шум уг поты, нош зэмлыклы шумпотэ

Нош али уло та куиньёс: оскон, оскиськон, яратон; но яратон соос пӧлысь ваньмызлэсь вылӥынгес.

Инмарлэсь кылзэ ивортонъёс ке но быризы, кылъёс ке но дугдӥзы, тодон-валан но ышысал ке, – яратон ноку но уз быры.

Шуом, мон адями кылъёсын, кылчин кылъёсын, пе, быгатӥсько вераськыны, нош яратонэ ӧвӧл ке, соку мон шальтыртӥсь пу гырлы, дыбыртӥсь коскам крезь луисько.

Инмарлэсь кылзэ ивортыны быгатонлыке, пе, вань, вань ватӥськыса улӥсь зэмлыкъёсты тодӥсько, пе, котьмае но тодонэ, мур осконэ вань, гурезьёсты но интыысьтызы воштыны, пе, быгатӥсько, нош яратонэ ӧвӧл ке, соку мон ваньлэсь ӧвӧлтэм маке гинэ луисько.

Аслэсьтым вань байлыкме-узырлыкме, пе, люкылӥ, оскон понна аслэсьтым мугорме но сутыны, пе, сётӥ, нош яратонэ ӧвӧл ке, татысь мон нокыӵе но пайда уг басьты.

Куке мон пичи на вал, пичи мурт кадь вераськылӥ, пичи мурт кадь малпаськылӥ, пичи мурт кадь верасько-малпасько вал; нош куке воргорон луи, соку мар вал пичи муртлэн кадез, солэсь куштӥськи.