Popular Bible Verses from Марк 9

Share

Иисус солы шуиз: «Ӧжыт ке но быгатӥськод-а оскыны? Оскись муртлы котьмар луоно».

Соку ик та пилэн атаез синкылиен бӧрдыса кеськиз: «Оскисько, Кузёе! Юртты, ӧжыт ке мынам осконэ».

Иисус корка пырем бере, асьсэ понна кыльыку, дышетскисьёсыз Солэсь юазы: «Ми нош малы сое улляса поттыны ӧм быгатэ?» Соослы Со шуиз: «Та выжыез, вӧсяськыса но визь утьыса сяна, номырин но поттыны уг луы».

Сылал – со ӟеч маке; нош сылаллэн кузьытэз быриз ке, маин сое тупатоды на? Пушкады сылалэз медаз быры, куспады тупаса улэлэ».

«Кин Мынам нимы понна одӥгзэ таӵе пиналэз кабыл басьтэ, со Монэ кабыл басьтэ; нош кин Монэ кабыл басьтэ, со Монэ кабыл уг басьты, со Монэ Ыстӥсез кабыл басьтэ».

Кин ке Мынам нимы понна тӥледлы одӥг сюмык ву сётӥз ке, тӥ Христослэн муртъёсыз уго, зэм ик верасько, со мурт аслэсьтыз медзэ-кузьымзэ уз ышты.

Нош кин одӥгзэ та пичиос пӧлысь, Мыным оскисез, сьӧлыке пыртӥз ке, солы умойгес луысал, чыртыяз вуко кӧ ошыса зарезе куштысалзы ке.

Синмыд тонэ сьӧлыке пыртэ ке, ишкалты сое: тыныд умойгес луоз пал синмын Инмар Эксэйлыке пырыны, кык синмыныд но ӝуась гееннае куштӥськонлэсь