Popular Bible Verses from Марк 6

Share

Иисус соослы шуиз: «Асьтэ понна, калыктэм интые мыныса, ӧжытак шутэтске». Лыктӥсьёс, кошкисьёс трос луэмен, соослы сиськыны но маза уг луы вал.

Иисус соослы шуиз: «Пророк сӥтэм-сантэм уг луы, луэ ке, луэ аслаз вордӥськем музъемаз, ӵыжы-выжыосыз дорын, аслаз дораз гинэ».

Потэм бераз Со трос калыкез адӟиз, Солы соос жаль потӥзы, возьмаськисьтэк кылем ыжъёс кадесь соос вал уго; Иисус соосты трос дышетыса улӥз.

Татын Со нокыӵе но паймымон ужъёс лэсьтыны ӧз быгаты; кӧня ке висисьёсты гинэ вылазы кизэ поныса бурмытӥз. Соослэн оскымтэзылы Со паймиз. Собере артысь бускель гуртъёстӥ дышетыса ветлӥз.

Со вить нянез но кык чорыгез кутӥз, ин пала учкыса бакель кариз но, нянез тӥялтыса, дышетскисьёсызлы сётъяз, люкаськем калыклы соос мед люкылозы шуыса. Кык чорыгез но ваньмызлы люкиз. Ваньзы сиизы, ваньзылэн кӧтсы тыриз. Нянь юдэсъёсты, чорыглэсь кылем люкетъёссэ дас кык кудые тыраз люказы.