Popular Bible Verses from Матфей 6

Share

Нырысь ик Инмарлэсь Эксэйлыксэ но Солэсь шонерлыксэ утчалэ, соку ваньмыз таос но тӥледлы сётэмын луоз.

Озьыен, эн сюлмаське ӵуказе нунал сярысь, уго ӵуказеез нунал ачиз сюлмаськоз ачиз сярысь: котькуд нуналлэн аслаз сюлмаськонэз тырмыт».

Соин ик тӥледлы шуисько: эн сюлмаське лулды понна, – мар сиём, мар юом, мугорды понна – мар дӥсялом шуыса. Лул бадӟымгес ӧвӧл-а сиёнлэсь, мугор бадӟымгес ӧвӧл-а дӥськутлэсь?

Тон нош вӧсяськыкуд бӧльмы сьӧрад пыр, ӧстэ ворса но адскисьтэм Атаедлы вӧсяськы, лушкемез адӟись Атаед тыныд шара берыктоз.

Тӥ тазьы вӧсяськелэ: Инмысь Атаймы! Тынад нимыд дано мед луоз; Тынад Эксэйлыкед мед лыктоз; Тынад эрикедъя мед луоз музъем вылын но инмын кадь ик.

Милемлы туннэ улымон няньмес сёты

пунэмъёсмес но кушты, милемлы пунэмо луисьёслэсь пунэмъёссэс ми куштэм кадь ик

милемыз визь сынаськонлэсь но утьы, уродлэсь но мозмыты милемыз. Тынад Эксэйлыкед, кужымед но данэд пумтэм вапуме. Аминь.

Адямиослы сьӧлыкамъёссэс куштӥды ке, Инмысь Атайды тӥлесьтыд но куштоз.

Учкелэ инмысь тылобурдоос шоры: соос уг кизё, уг арало, кеносазы но уг люкало; но Инмысь Атайды сюдэ соосты. Тӥ соослэсь трослы умоесь ӧвӧл-а?

Музъем вылэ асьтэлы ваньбур эн люкалэ, отын сое кей сие, сыномыса быре, лушкаськисьёс гудӟиськыса пыро но нуыса кошко. Асьтэлы ваньбур Инме люкалэ, отын кей но уг сиы, сыномыса но уг быры, лушкаськисьёс но гудӟиськыса уг пыро, уг лушкало. Уго кытын тӥляд ваньбурды, отын ик луоз сюлэмды но.

Нокинлэн но кык кузёлы служить каремез уг луы: уго одӥгзэ адӟемпотостэм кароз, нош мукетсэ яратоз; яке огезлы сюлмысьтыз тыршоз, нош мукетыз сярысь уз сюлмаськы. Уд быгатӥське Инмарлы но, маммоналы но огдыре служить карыны.

Бусы турынэз, кудӥз туннэ вань, нош ӵуказе гуре куштэмын луоз, Инмар озьы дӥся ке, эшшо но умойгес уз-а дӥся тӥледыз, ӧжыт оскисьёс?

Тынад нош, ёрмисьлы сётыкуд, паллян киыд медаз тоды, мар лэсьтэ бур киыд. Ёрмисьлы сётонэд лушкем мед луоз; лушкемез адӟись Атаед тыныд пунэмзэ шара берыктоз.

«Учкелэ, ёрмисьёслы сётондэс калык азьын, соос мед адӟозы шуыса, эн лэсьтэ: соку уго Инмысь Атайдылэсь медзэ-кузьымзэ уд басьтэ.

Озьы ик, визякуды чеберъяськисьёс кадь мӧзмыт тусъем эн кариське; адямиос азьын визямзэс возьматон понна соос уго ымныръёссэс ӝож тусъем каро. Зэм ик тӥледлы верасько: асьсэлэсь медзэс-кузьымзэс соос басьто ини. Нош тон визякуд йырдэ вӧйын зыра, ымнырдэ миськы, визямед калык азьын медаз адӟиськы, Атаед азьын мед адӟиськоз, Кудӥз лушкемын; лушкемез адӟись Атаед тыныд пунэмзэ шара берыктоз.