Popular Bible Verses from Лука 3

Share

Вань калык пылатӥськиз. Иисус но пылатӥськиз; пылатӥськем бераз, вӧсяськыса улыкуз, ин усьтӥськиз, Со вылэ дыдык выллем мугорын Святой Дух лэзиськиз. Инмысен куара кылӥськиз: «Тон Мынам Яратоно Пие. Тон бордын Мынам ӟеч эрике!»

Иоанн ваньзылы ответ сётӥз: «Мон тӥледыз вуэн пылатӥсько, но лыктэ мынэсьтым Кужмоез, Солэсь пыдкутчан езэ пертчыны но мон ярамон ӧвӧл. Со тӥледыз Святой Духен но тылын пылатоз.

Ӧпкельыса сьӧлыкъёстэс быдтыны ярамон емышъёс будэтэлэ ук, эн но малпалэ асьтэлы асьтэос вераны: ”Атаймы милям Авраам”. Тӥледлы мон верасько: Инмар та изъёсты Авраамлы нылпи карыны быгатоз.

Тӥр но писпуос выжыын кылле ини: ӟеч емыш вайисьтэм котькудзэ но писпуэз корало но тылэ кушто».

Исаия пророклэн кыл книгаяз гожтэмын: «Кыр дуннеын кеськисьлэн куараез: Кузё-Инмарлы сюрес дасялэ, шонертэлэ Солы сюресэз. Котькыӵе нёжал но пачыл мед луоз, котькыӵе гурезь но выр мед лапегалозы, кырыж интыос мед шонералозы, выро-гопо сюресъёс мед ӵошкыталозы. Инмарлэсь утёнзэ вань адямиос ас синмынызы адӟозы».