Popular Bible Verses from 2 Коринфын улӥсьёслы 5

Share

Озьыен, кин Христос бордын – со выль кылдытэм, вашкалаез ортчиз, табере ваньмыз выль луиз.

Христос пыр, Инмар азьын асьмеос шонер улӥсьёс мед луомы шуыса, сьӧлыкез Тодӥсьтэм вылэ Со асьмелэсь сьӧлыкъёсмес понӥз.

уго осконэн улӥськомы, адӟонэн ум улӥське.

Ваньмыз та Инмар бордысь потэмын, асьмеды Со Христос пыр Асэныз тупаса улӥсь кариз. Мукет адямиос но Соин тупаса мед улозы шуыса, милемыз со бордын ужаны-тыршыны косӥз. Малы ке шуоно Христос пыр Инмар быдэс дуннеез Асэныз тупаса улӥсь кариз. Адямиослы сьӧлыкъёс ӧз гожты, Асэныз тупаса улон сярысь вань адямиослы милемыз ивортыны косӥз.

Ми – Христослэн нимыныз ыстэмъёс, ми пыр Ачиз Инмар адямиослы вазиське. Христослэн нимыныз тӥледыз сюлворыса куриськомы: Инмарен тупатске!

Нош Христос ваньмыз понна кулӥз, соин ик улӥсьёс асьсэлы медаз ни улэ, мед улозы Со понна, кин соос понна кулӥз но улӟыса султӥз. Соин ик, та дырысен кутскыса, ми нокинэ но адями визьлэн мертэтэныз ум дунъяське. Христосэз азьвыл адями визьлэн мертэтэныз дунъяськомы ке вал, табере озьы ум ни дунъяське.

Христослэн яратонэз милемын, тазьы малпасьёсын, кивалтэ: одӥг Адями ваньмыз понна кулӥз ке, соку ваньзы кулӥзы.