Popular Bible Verses from 1 Фессалоникаын улӥсьёслы 4

Share

Табере асьмеос но, улэп кылемъёс, соосын валче омырысен Кузё-Инмарез пумитан понна пилемъёс вылын ӝутэмын луомы. Собере вань вапумъёс ӵоже Кузё-Инмарен огазьын уломы.

Уго косон куара потоз но, соку архангеллэн куараез, Инмарлэн гумы куараез кылӥськыку, Ачиз Кузё-Инмар Инмысь васькоз. Соку нырысь ик Христослы оскыса кулэмъёс кулэмысь улӟыса султозы.

Инмар тӥлесьтыд дун-сьӧлыктэм луэмдэс возьма. Азыса-калгыса улонлэсь куштӥське. Тӥ ваньды асьтэлэсь сосуддэс дун-чылкыт, дун-шектэм утьыны-возьыны мед быгатоды.

Уго асьмеос Иисуслэн кулэмезлы но улӟыса султэмезлы оскиськомы бере, соку Иисуслы осконэн кулон умме усемъёсты но Инмар Соин ӵош ваёз шуыса оскыны кулэ.

Сюлмысьтыды тырше зӥбыт-востэм улыны, ас уждэс тодэ, ас киыныды ужаса кӧттыр поттэ, кызьы ми тӥледлы азьвыл ик индылонъёс сётӥмы.

Уго Инмар асьмемыз сьӧлыкъёс лэсьтыса улыны ӧз ӧтьы, дун-сьӧлыктэм улонэн улыны Со ӧтиз.