Popular Bible Verses from 1 Коринфын улӥсьёслы 12

Share

Нош котькудӥзлы Духлэн возьматӥськемез ваньмызлы пайда ваён понна луэ.

Тӥ – Христослэн мугорыз, нош нимады – Солэн люкетъёсыз.

Соин ик, курадӟе ке одӥгез люкет, соин валче вань люкетъёс курадӟо; данэ поттӥське ке одӥгез люкет, соин валче вань люкетъёс шумпото.

Дух одӥгезлы визьлыко кыл сётэ, мукетызлы со Дух ик тодонлэсь кылзэ сётэ. Со Дух ик куд-огезлы оскон сётэ; со Дух ик куд-огезлы бурмытыны быгатонлык сётэ. Куд-огезлы паймымон ужъёс лэсьтон сётэ; куд-огезлы – Инмарлэсь кылзэ ивортон, куд-огезлы – духъёсты тодман, куд-огезлы – пӧртэм кылъёсын вераськон, куд-огезлы – кылъёсты валэктон.

Нош ваньзэ тае одӥг со Дух ик поттэ, кызьы Аслыз кулэ, котькудӥзлы нимысьтыз сётылэ.

мугорын люкиськылонъёс медаз луэ, вань люкетъёс ог-огзы сярысь огкадь мед сюлмаськозы.

Инмарлэн сётэм дэлетъёсыз пӧртэмесь, нош Дух – одӥг; ужан-тыршонъёс пӧртэмесь, нош Кузё-Инмар – одӥг; вань пӧртэм ужъёс-радъянъёс, нош Инмар – одӥг, адямиос пушкын Со ваньзэ лэсьтэ.

Куд-огъёссэ Инмар черке нырысь ик апостол карыса пуктӥз, куд-огзэ пророк карыса, куд-огзэ дышетӥсь карыса пуктӥз; собере куд-огезлы паймымон ужъёс лэсьтыны кужым сётӥз; куд-огезлы бурмытылыны быгатонлык, юрттэт сётонъёс, кивалтон ужъёс, пӧртэм кылъёсын вераськыны быгатонлык сётӥз.

Мугор одӥг люкетлэсь ӧвӧл, трос люкетъёслэсь сылэ.

Мугорлэн уката ик туж лябесь-кынартэмесь адӟиськись люкетъёсыз тужгес но кулэесь луо.

Быдэс мугор син гинэ луысал ке, соку кылон кытын? Быдэс мугор кылон гинэ луысал ке, соку шӧмез шӧдон кытын? Но Инмар котькудзэ мугор люкетэз ас интыяз пуктӥз, кызьы Солы кулэ вал. Нош ваньмыз одӥг кыӵе ке гинэ люкетлэсь сылысал ке, соку кытын мугор?