Popular Bible Verses from Рим 5

Share

Но Христос эче сулыкан ылмына годымок мӓ верцнӓ колен, тенге Йымы мӓ докына яратымашыжым анжыкта.

Уанымаш намысыш ак пырты, вет Йымын яратымашыжы мӓлӓннӓ пумы Святой Шӱлӹш гач шӱмӹшкӹнӓ опталалтын.

Тидӹ гишӓн веле агыл, парвалымына гишӓнӓт ӹвӹртенӓ. Мӓ пӓленӓ, парвалымы гӹц цӹтӹмӓш лӓктеш, цӹтӹмӓш гӹц – тергӹмӹм эртен кердмӓш, тергӹмӹм эртен кердмӹ гӹц – уанымаш.

Тенгежӹ, ӹнянӹмӓш доно тӧрӹш лӓкмӹкӹ, мӓмнӓн Господь Иисус Христос гач Йымы дон мӓ лоштына тыр улы. Ӹнянӹмӹнӓ гишӓн Христос мӓлӓннӓ благодать докы корным пачын, мӓ благодатьышты ылына дӓ, Йымы сага лӹмлештӓрӓлтмӹлӓн уанен, ӹвӹртенӓ.

Кынам мӓ эче силадымы ылынна, пӓлдӹртӹмӹ жепӹн Христос мӓ верцнӓ, сулыканвлӓ верц, колен.

Христосын Вӹржӹ доно мӓ тӧрӹш лӓктӹннӓ гӹнь, кӹзӹт Тӹдӹ Йымын шӹдӹжӹ гӹц лачокок мӓмнӓм ытара.

Кыце ик эдемӹн шамак колыштдымыжы шукым сулыканым ӹштен, тенгеок Иктӹн шамак колыштмыжы шукым тӧрӹш лыктеш.

Тидӹ веле агыл, мӓмнӓм кӹзӹт пуремдӹшӹ Иисус Христос Господьна гач мӓ Йымы доно когоэшненӓ.