Popular Bible Verses from Гал 5

Share

А Шӱлӹшӹн кӹцкӹжӹ: яратымаш, ӹвӹртӹмӓш, тыр, кужын тырхымаш, пуры кымыл, весӹм жӓлӓйӹмӓш, ӹнянӹмӓш, смирнӓ лимӓш, ӹшкӹмӹм кычен кердмӓш. Техеньвлӓ ваштареш закон уке.

Мӹнь тидӹм келесӹнем: Шӱлӹш вуйлатымы семӹнь ӹлӹдӓ, тӹнӓм тӓ кӓп дон йӓнгӹн шыкланымыштым ада шокты.

Мӓ Шӱлӹш доно ӹленӓ гӹнь, тенгежӹ Шӱлӹш вуйлатымы семӹнь ӹштӹшӓшлык ылына.

Но кыдыжы Христосын ылыт, нӹнӹ кӓп дон йӓнгӹм дӓ нӹнӹн шыкланен ядмыштым крестеш пыдаленӹт.

Кӓп дон йӓнгӹн пӓшӓжӹ цилӓлӓн каеш. Тидӹ: йӓл вӓтӹ доно каштмаш, шӓхӓрлӓнӹмӓш, йӹрнӹк кайыш, тӓйвилӓнӹмӓш, идоллан кымалмаш, йозыланымаш, шӹдешкен ӹлӹмӓш, соредӓлмӓш, йӓлӹнлӓн йӓнгӹм йылатымаш, шӹдешкӹмӓш, ӹшкӹлӓн пайдам кӹчӓлмӓш, келшӹдӹмӓш, [аздарымаш,] вес тымдымаш, тӹрӹнь анжымаш, пуштмаш, ӓрӓкӓ йӱмӓш, хӓрдӹмӹ лимӓш дӓ тӹлец молат. Кыце молнам тӓлӓндӓ попенӓм, кӹзӹтӓт попем: тенге ӹштӹшӹвлӓ Йымын Кугижӓншӹм ак нӓлеп.

Тӓ, шӱмбелвлӓ, ирӹкӹш ӱжмӹ ылыда. Но ирӹкдӓ кӓп дон йӓнгӹн ядмыштылан йӧнӹм ӹнжӹ ӹштӹ, а иктӹ-весӹлӓндӓ яратен палшыда.

Вет кӓп дон йӓнг Шӱлӹш ваштареш ӹштӹнештӹ, а Шӱлӹш – кӓп дон йӓнг ваштареш. Нӹнӹ иктӹ-весӹштӹ ваштареш ылыт, седӹндон тӓ, мам ӹштӓш шанедӓ, тӹдӹм ада ӹштӹ.

Вет цымыр закон ти ик шамакышты ылеш: «Лишӹлетӹмӓт ӹшкӹметӹм яратымы семӹньок яраты».

Лӹмлештӓрӓлтмӹм кӹчӓлшӹ, иктӹ-весӹм шӹдештӓрӹшӹ, иктӹ-весӹлӓн йӓнг йылышы лишӓшлык ана ыл.

Тенгежӹ, Христосын мӓлӓннӓ пумы ирӹкӹштӹжӹ пингӹдӹн шалгыда дӓ угӹцӹн раб пӹзӹрньӹкӹш идӓ кӹцкӓлт.