Popular Bible Verses from 2 Кор 6

Share

Ӹнянӹдӹмӹвлӓ доно иквӓреш йӓл хамытыш идӓ кӹцкӓлт. Тӧр ӹштӹмӹн дӓ законым пыдыртымашын ма иканьышты улы? Соты дон пӹцкемӹш лошты махань кӹл улы?

Йымын пӧртшӹ кыце идолвлӓ доно ик вӓрӹштӹ лиэш? Тӓ ӹлӹшӹ Йымын пӧртшӹ ылыда. Йымы тенге келесен: «Мӹнь нӹнӹ доны ӹлӓш дӓ лоштышты кашташ тӹнгӓлӓм. Нӹнӹн Йымышты лиӓм, а нӹнӹ Мӹньӹн халыкем лит».

Седӹндон «Нӹнӹ логӹц лӓкдӓ, нӹнӹ гӹц айырлыда, – Господь попа. – Ире агыл докы идӓ тӹкнӹ, тӹнӓм тӓмдӓм Ӹшке докем нӓлӓм». «Тӓлӓндӓ Ӓтя лиӓм, а тӓ Мӹньӹн эргем дон ӹдӹрвлӓэм лидӓ», – манеш Цилӓ Кычышы Господь.

Христос дон Велиар кыце икышын лит? Ӓль ӹнянӹшӹ дон ӹнянӹдӹмӹ ик векӹ лин кердӹт ма?