Popular Bible Verses from 1 Петр 5

Share

Хоть-махань шытырдам Йымылан ӹнянен пуда: Тӹдӹ тӓ верцдӓ тыргыжлана.

А Христос Иисус доно ушнымашты мӓмнӓм Ӹшкӹмжӹн курымаш лӹмлештӓрӓлтмӓшкӹжӹ ӱжшӹ цилӓ благодатьын Йымыжы, кӹтӹк веремӓ орлыкым тырхымыкыда, тӓмдӓм тӧрлӓтӹжӹ, цаткыдемдӹжӹ, силаным ӹштӹжӹ дӓ пингӹдемдӹжӹ.

Ары шанымашан лидӓ, идӓ амалы: тӓ ваштарешдӓ шалгышы, диавол, ырлышы лев семӹнь, кӱм нелӹн колташ кӹчӓл каштеш. Пингӹдӹ ӹнянӹмӓш доно тӹдӹ ваштареш шагалда. Тӓ пӓледӓ: тӓмдӓн шӱмбелвлӓлӓндӓ улы сӓндӓлӹкӹштӹ техеньок парвалымашым цӹтӓш вӓрештеш.

Тенгежӹ, Йымын силан кид лӹвӓлнӹжӹ лиӓш ӹшкӹмдӓм лапемдӹдӓ, ӹшке веремӓштӹжӹ Тӹдӹ тӓмдӓм кӱкшемдӓ.

Сӓмӹрӹквлӓӓт, пресвитервлӓм колыштда. Цилӓнӓт, иктӹ-весӹм колыштын, иктӹ-весӹ доны смирнӓ лидӓ, вет «Йымы когоэшнӹшӹвлӓ ваштареш ылеш, а смирнӓвлӓлӓн благодатьым пуа».