Popular Bible Verses from 1 Петр 3

Share

Ӹшке йӓнгӹштӹдӓ Господь Йымым свящӓйӹдӓ; тӓмдӓн уанымашда шотышты ынгылдарымашым ядшылан цилӓлӓн смирнӓн дӓ шотеш пиштен ответӹм пуаш соок йӓмдӹ лидӓ. Пуры совестян лидӓ, тӹнӓм Христос доно ушнымашты пурын ӹлӹмӹдӓм шудалшывлӓ тӓмдӓм худавлӓм вырсымы семӹнь вырсымыштылан намысыш пырат.

Вет Господьын сӹнзӓжӹ тӧр ӹштӹшӹ эдемвлӓ докы дӓ Тӹдӹн пӹлӹшӹжӹ нӹнӹн ыдылмышты докы сӓрӓлмӹ, но, худам ӹштӹшӹвлӓм мӱлӓндӹ вӹлец пӹтӓрӓш манын, Господьын лицӓжӹ нӹнӹ ваштареш ылеш».

Тӓмдӓн цевердӓ вӹлнӹ – айыртемӓлтшӹ ӱп тӹвӹлӹштӹ, шӧртньӹм сӓкӹмӓштӹ ӓль нӓрӓтӓн выргемӹштӹ – агыл, а йӓнг кӧргӹштӹ – вашталтдымы, смирнӓ дӓ тыр шӱмӹштӹ лижӹ – тидӹ Йымы анзылны шергӓкӓн.

Вет «кӱ ӹлӹмӓшӹм яратынежӹ дӓ пуры кечӹвлӓм ужнежӹ, тӹдӹ ӹшке йӹлмӹжӹм худа гӹц дӓ ӹшке ышмажым алталышы шаявлӓ гӹц кычыжы; худа гӹц карангжы дӓ пурым ӹштӹжӹ; тырым кӹчӓлжӹ дӓ тӹдӹн докы лишемӓш цацыжы.

Мычашеш келесӓш гӹнь, цилӓн икышын, жӓлӓйӹшӹ, шӱмбел яратышы, пуры йӓнгӓн, келшен ӹлӹшӹ, смирнӓ лидӓ. Худа тӓреш худа доно ӓль вырседӹлмӹ тӓреш вырседӹлмӹ доно идӓ тӱлӹ, анешлӓ, пурым веле согоньлыда, тӓ вет пӓледӓ: тӓ Йымын благословайымыжым нӓлдӓ манын, тенге ӹштӓш ӱжмӹ ылыда.

Тӓ пурым ӹштӹмӹ верц пыт цацедӓ гӹнь, кӱ тӓлӓндӓ худам ӹштӓ?

худа гӹц карангжы дӓ пурым ӹштӹжӹ; тырым кӹчӓлжӹ дӓ тӹдӹн докы лишемӓш цацыжы.

Вет Йымын ирӹкшӹ семӹнь гӹнь, худа пӓшӓ гишӓн агыл, а пуры пӓшӓ гишӓн парвалымыда яжо лиэш.