Popular Bible Verses from 1 Кор 6

Share

Коли тӓ ада пӓлӹ: тӓмдӓн кӓпдӓ – Святой Шӱлӹшӹн пӧртшӹ, Шӱлӹшӹжӹм тӓ донда ушнен ӹлӓш Йымы пуэн? Тӓ ӹшкӹмдӓн ада ыл, вет тӓ шергеш нӓлмӹ ылыда, седӹндон кӓпдӓ донат, йӓнгдӓ донат Йымым лӹмлештӓрӹдӓ, нӹнӹ Йымын ылыт.

Тӧр агыл ӹштӹшӹвлӓ Йымын Кугижӓншӹн наследниквлӓжӹ ак лиэп, тидӹм коли ада пӓлӹ? Идӓ алталалт. Шӓхӓрлӓнӹшӓт, идолвлӓлӓн кымалшат, ӹшке вӓтӹжӹ гӹц весӹ доно каштшат, ярдымы кайышанат, пӱэргӹ пӱэргӹ доно шӓхӓрлӓнӹшӓт, шолат, шыкланышат, ӓрӓкӓм йӱшӓт, орлышат, кравен каштшат Йымын Кугижӓншӹн наследниквлӓжӹ ак лиэп.

Шӓхӓрлӓнӹмӓш гӹц ӹшкӹмдӓм кычыда. Эдем ӹштӹмӹ цилӓ молы сулык ӹшке кӓпӹм ак тӹкӓл, а шӓхӓрлӓнӹшӹ ӹшке кӓпшӹ ваштареш сулыкым ӹштӓ.

«Хоть-мамат ӹштӓш мӹньӹн ирӹкем улы», но цилӓок пайдам ак пу. «Хоть-мамат ӹштӓш мӹньӹн ирӹкем улы», но мӹнь ниман кид лӹвӓлнӹжӹ лишӓшлык ам ыл.

А Йымы Господьымат колымаш гӹц ӹлӹжтен, мӓмнӓмӓт ӹшке силажы доно ӹлӹжтӓ.