Popular Bible Verses from 1 Кор 11

Share

Тенгеок вады качкыш паштек цӓшкӓм нӓлӹн дӓ келесен: «Ти цӓшкӓ – Мӹньӹн Вӹрем гач пумы у согонь. Тӹшец йӱмӹдӓ годым, Мӹньӹм ӓшӹндӓрен, со тенге ӹштӹдӓ». Ти сыкырым качкын дӓ ти цӓшкӓ гӹц йӱн, Господьын толмешкӹжӹ, тӓ каждый гӓнӓок Тӹдӹн колымыжы гишӓн увертӓредӓ.

Тӓлӓндӓ мам шайыштынам, тӹдӹм мӹнь Господь гӹц пӓлен нӓлӹнӓм: Господь Иисусым выжалымы йыдым Иисус кидӹшкӹжӹ сыкырым нӓлӹн, Йымылан таум ӹштен, тодылын дӓ келесен: «Нӓлдӓ, качда, тидӹ тӓ верцдӓ тодыл пумы Мӹньӹн Кӓпем. Мӹньӹм ӓшӹндӓрен, тенге ӹштӹдӓ».

Ти сыкырым качмы анзыц дӓ ти цӓшкӓ гӹц йӱмӹ анзыц эдем ӹшкӹмжӹм тергӹшӓшлык. Вет кӱ, Господьын Кӓпшӹ дӓ молы лошты айыртемӹм ужде, шотеш пиштӹде качкеш дӓ йӱэш, тӹдӹ качмы-йӱмӹжӹ доно ӹшкӹмжӹм суйыкта.

Тенгежӹ, кӱ ярдымын ти сыкырым качкеш дӓ Господьын цӓшкӓжӹ гӹц йӱэш, тӹдӹ Господьын Кӓпшӹ дӓ Вӹржӹ анзылны вуйнаматан лиэш.

Кыце мӹнь Христос семӹнь ӹштем, тенгеок тӓӓт мӹнь семӹнем ӹштӹдӓ.