Popular Bible Verses from Павелонь сёрмац Риму 14

Share

Вдь Шкаень Оцязорксшись – тя аф ярхцамбяль, афи симомбяль, сон – видексши, сетьмоши и кенярдема, конатнень казендьсыне Иняру Ваймопожфсь. Кие тяфта покоди Христости, ся тушенды Шкайть мяльс и лувови цебярькс ломаттнень ётксовок.

Кда минь эрятама, минь эрятама Азорть инкса. Кда кулотама, Азорть инкса кулотама. Шисотама минь али кулотама, минь сяка ляткшнетяма Азороннекс.

Тяфта, карматама фалу вешендемонза ся кить, кона вятьсамазь минь ладямати и кемаманьконь марстонь кемокстаманцты.

Сяс аф карматама фкя-фкянь судендама. Меколанкт, тяряфтода мезевок аф тиендемс стама, мезсь тапарялезе кемай ялгацень али сувафтолезе пежес.

Вдь Сёрматфксса азф: «Кода виде тя: Мон эрян, – корхтай Азорсь, – тяфта виде тявок: Монь инголен комафтсы плманжанц эрь ломанць, и эрь кяльсь шнасы Шкайть». Тяфта, эрсь минь ёткстонк кармай азондомост эсь тевонзон Шкайти.

Ломанть, конань лафча кемамац, сувафтость эсь ёткозонт и тяда срхкафне пялькснемат сонь мялензон-арьсеманзон кувалма.

Кият тон тяфтамсь лиять покодиенц судендамс? Сон эсь Азоронц инголе стяда ащи али прашенды. Но сон сяка кармай ащема, сяс мес Шкайти вийс коре кирдемс сонь пильге лангса.