Popular Bible Verses from Павелонь сёрмац Риму 10

Share

Кда тон эсь кургсот сембонь инголе азсак: Иисус – Азорсь, и кда седисот кармат кемама: Шкайсь кулофнень эзда вельмафтозе Сонь – эста улят идеф.

Сяс мес седиса кемамась вяти видексшити, а сембонь инголе кургса тянь азондомац – идемати.

Тяфта, кемамась сашенды Кулять марямста, а марясазь сонь тоса, коса азондови Шкайть валоц.

Сёрматфкссь корхтай: «Кивок Тейнза кемайхнень эзда аф прай визькс шамас». Тя азф сембонди, и еврейти, и лия ломаньтналоннети. Азорсь сембонди фкя, и козяста казьсыне сембонь, кие тердьсы Сонь. Вдь сёрматф: «Эрсь, кие тердьсы Азорть, ули идеф».

Кие кармай азондома, кда кивок аф ули кучф? Сёрматфкссь корхтай: «Вай, кодань пархт пильгсна сятнень, кит молихть Пара кулянь пачфнема!»

Но кода тердьсазь Сянь, кинди аф кемайхть? Кода кемайхть Сянди, кинь колга ашесть куленде? Коста синь кульсазь, кда аш тянь колга азонды?

А вдь Христос педа-пес пяшкодезе койть, сяс тяни эрсь, кие кемай Тейнза, ули лувф видексшинь ломанькс Шкайть инголе.