Popular Bible Verses from Павелонь омбоце сёрмац Тимофеенди 4

Share

Мон лац ётафтыне тюремать, ётайне эсь кизень, кемамать ванфтыне.

пачфнек Шкаень валть, ульхть анок тя тевти цебярь пингста и аф цебярь пингстовок, няфнек аф видешинь тефнень лангс, карнек, кемокснек эрь кодама кирдемшка мархта и тонафтт тянди.

Сяс мес сай пинге, мзярда ломаттне аф кулхцондсазь шумбра тонафтомать, а эсь мяльснон коряс кочкайхть эстейст стама тонафтыхть, конат кармайхть корхтама тейст сянь, мезе синь мяльсна кулемс. Синь пандсазь эсь пилеснон видешить эзда и кармайхть кулхцондома ёфкст.

Но тон ульхть кятавкс сембоса, кирдить сталмотнень, пачфнек Пара кулять и максф тевть тик афсатыксфтома.

Тяни тейне ванфневи видексшинь каштазсь, конань тейне макссы Азорсь, видексшинь Судьясь, ся мекольдень шиста. И аф аньцек тейне, а тяфта жа сембонди, конат седи ваксста учсезь Сонь саманц.