Popular Bible Verses from Jiävintä Iivanalla 5

Share

Hyö laulettih uuši laulu: – Šie olet šen arvoni, jotta voit ottua kirjan ta avata šen pečatit, šentäh kun Šiut tapettih. Šie omalla Verelläš oššit miät Jumalalla kaikista heimoista, kaikista kielistä, kanšoista ta maista.

Hyö šanottih lujalla iänellä: – Vuonna, mi oli tapettu, on šen arvoni, jotta šuaha valta, pohasvo, viisahuš ta voima. Hiän on šen arvoni, jotta Häntä kunnivoitetah, ylennetäh ta kiitetäh.

Šie luajit meistä čuarija ta pappija miän Jumalalla ta myö rupiemma halliččomah muan piällä.

Ta mie kuulin, jotta kaikki, ket eletäh taivahašša, muan piällä, muan alla ta mereššä – kaikki mitä niissä on – šanottih: – Hänellä, ken istuu valtaistumella, Hänellä ta Vuonnalla kuuluu kiitoš, kunnivo, jumalallini valo ta valta aina ta ilmasen ijän.

Šiitä yksi vanhimmista šano miula: «Elä ite. Juutan heimon Leijona, Tuavitan Juuri, on voittan! Hiän avuau tämän kirjan ta murentau kaikki šeiččemen pečattie.»