Popular Bible Verses from Jiävintä Iivanalla 11

Share

Šeiččemeš anheli puhalti torveh. Taivahašša kajahti monien iänien karjeh: – Koko muailma tuli nyt miän Hospotin ta Hänen Hristossan valtakunnakši. Hiän halliččou aina ta ilmasen ijän.

Kanšat ollah vihan vallašša, ka nyt on Šiun vihan aika. Tuli aika suutie kuollehet, aika antua palkka Šiun käškyläisillä, Jumalan viessintuojilla, ta kaikilla pyhillä, kaikilla, ket varatah Šiun nimie, pienillä ta šuurilla. On aika hävittyä ne, ket hävitetäh muata.

Mie työnnän kakši omua tovistajua. Värččivuattiet piälläh hyö šanellah Miun šanua tuhat kakšišatua kuušikymmentä päivyä.»

No noijen kolmen ta puolen päivän piäštä tuli viessintuojih elämän henki, min Jumala oli työntän, ta hyö nouštih jaloillah. Šuuri varuu valtasi kaikki ne, ket nähtih še.

Heilä on valta šalvata taivaš, niin jotta mualla ei vihmu niinä päivinä, konša hyö šanellah Jumalan šanua. Šamoin heilä on valta muuttua vejet verekši ta työntyä mualla kaikenmoista vahinkuo, konša vain tahottaneh.

Nämä tovistajat ollah kakši voipuuta ta kakši lamppuo, mit šeisotah muan Hospotin ieššä. Kun ken tahtonou ruatua heilä pahua, niin hiän šuušta lähtöy tuli, mi nielöy hiän viholliset. Näin kuolou jokahini, ken tahtou ruatua heilä pahua.