Popular Bible Verses from Romanos 1

Share

Ttömä dä'äcuocösä adihuä huȩnȩmä̧. Ja̧u̧ huȩnȩ esetätörö suronä jȩttö̧ jȩpö̧ icu Dios, äcuomenä judíos ttö̧ja̧rö̧'i̧nä̧, ja̧'hua̧ta̧nö̧ judíos huocotörö'inä.

Ja̧u̧ adihuä huȩnȩ jiähua'a, Diosrö esetätörötä jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö. Huȩyu̧cuä̧ Huȩnȩ päa'a: “Dios ja̧u̧cu̧ ji̧nä̧ ji̧yȩtȩ hua̧ ö̧ja̧ pä'ö jȩä̧cu̧mä̧, Diosrö esetö ö̧jä̧cua̧.”

Dios pi̧jä̧ aditinö o'ca'a, pi̧jä̧ ttö̧ja̧ topö huö̧juä̧tö̧ Dios ujuru yoröiso beipächocö pä'ö. Ja̧'hua̧ta̧nö̧ huo̧juä̧tö̧ Dios iso päi'önä kö̧ pä'ö. Dios ujuru'inä, ö̧ja̧'a̧'i̧nä̧ tottoca'anä, iso päi'önä kö̧ pä'ö huo̧juä̧tö̧. O'ca juiyönä Dios aditinö topö, ja̧'hua̧nö̧ huo̧juä̧tö̧ pi̧jä̧ ttö̧ja̧. Ja̧'hua̧nö̧ ja̧'a̧nä̧ jitötä tta̧'cua̧ ko̧mȩnä̧ jȩpä̧tö̧.

Diosrömä ttu̧huo̧jua̧'a̧nä̧, adiunämä ucuotocotö Diosrö. Ja̧'hua̧ta̧nö̧ Dios jahuätörö ppädomenä, esehuocotö Diosrö. Ttamöcuädömä, micuähuocötä amöcuädätö. Ttamönä tta̧'cua̧rö̧ yo̧i̧pä̧chi̧nä̧u̧.

Jahuätömä Dios i̧huȩnȩ, iso päi'önä huȩnȩ, esetocotö pi̧nä̧tö̧. Yapareu huȩnȩtä̧ esetinätö. Ja̧'hua̧ta̧nö̧ eseunu amöcuädinätö Dios aditähuätä. Chutä, Diosrötä eseunu amöcuädocotö pi̧nä̧tö̧. Diosrö adiu ttucuocuaja 'cuäopönä. Amén.

Dios mo̧ro̧jä̧ra̧'a̧ kä̧nö̧ ro̧'ȩpö̧ jarode'ätörö'inä, suronä jȩpä̧tö̧rö̧'i̧nä̧. Jahuätömä, suronä jȩtta̧'a̧ttö̧, korotö iso päi'önä huȩnȩ ttesetö juiya pä'ö jȩpä̧tö̧.

Ja̧'hua̧nö̧ ja̧'a̧ttö̧ Dios jaroi'inä̧u̧ jitörötä, surojö pä̧huä̧ rö̧jö̧ jȩtta̧'a̧ttö̧. Nä̧tö̧'i̧nä̧, u̧mä̧tö̧cu̧ jȩa̧cuä̧hua̧ jaropi'ö, jȩä̧cuä̧huo̧cö̧'i̧nä̧ nä̧tö̧ nä̧tö̧cu̧ suronä jȩpä̧tö̧. Ja̧'hua̧ta̧nö̧ ja̧u̧ juäinätä u̧mä̧tö̧ nä̧tö̧cu̧ jȩä̧cuä̧huä̧ jaropi'inätö. Jitörötä pä̧huä̧ rö̧jö̧tä̧ suronä jȩpä̧tö̧ u̧mä̧tö̧ u̧mä̧tö̧cu̧. Jitötä ttamönä jȩttö̧tä̧ surojuoepä̧u̧. Jahuätömä ttu̧huo̧jua̧ pä'ocotö Diosrö. Ja̧'hua̧nö̧ ja̧'a̧ttö̧ Dios jaroi'inä̧u̧, surojö amöcuädö jȩä̧cuä̧huä̧ jȩtta̧ pä'ö.

Ja̧'hua̧ta̧nö̧ huo̧juä̧tö̧jä̧ pätta'anä, yoröiso ttu̧'ȩpä̧ro̧co̧tö̧. Jahuätö adihuä Dios, yoröiso hua'ocörö, jaropi'inätö, pi̧jä̧ ttö̧ja̧ a̧'u̧cuä̧ ttu̧mö̧nä̧ adicuä juäi beipächä̧cuȩmä̧, ttamöcuäda pä'ö. Jahuätömä ppi̧yu̧ a̧'cua̧rö̧nä̧, ä̧ca̧tö̧ a̧'cua̧rö̧nä̧, isotö ttö̧jä̧pi̧yä̧ pa̧ja̧cuä̧nö̧ ku̧nä̧rä̧tö̧ a̧'cua̧rö̧nä̧ amöcuädätö.