Popular Bible Verses from San Juan 13

Share

Ucuturu jareönä hueähuä huȩnȩ iyösä jitä. Korotö korotönörö repe'ätucui. Ucuturu repedinö ta'anö ucutu'inä korotö korotönörö repecuhuätucuäcua'a̧nö̧. Korotö korotönörö repecuhuätucuttumä, o'ca toi'önä pi̧jä̧ ttö̧ja̧ ttu̧huo̧juä̧cuo̧tö̧ ucutumä ttö chu̧huo̧juȩtä̧u̧jä̧ pä'ö.

Ja̧'hua̧nö̧ ja̧'a̧ttö̧ ttömä, Huo̧juȩcuä̧ I̧sa̧'i̧nä̧, Cu̧ru̧hua̧'i̧nä̧ cha'anä, ucutu cu̧jä̧pi̧yä̧ chötöcöttömä, ucutu'inä ka̧ra̧rö̧'i̧nä̧, ka̧ra̧rö̧'i̧nä̧ chötöcäji ta'anö ttö̧jä̧pi̧yä̧ cutöcätucuäcua'a̧nö̧. Ttö jȩchä̧ji̧ ta'anö jȩcu̧'ä̧tu̧cua̧ pä'ö jȩpä̧ji̧sä̧.

Jesús ädätinödo: —Jitä jȩchö̧mä̧ jȩru̧pa̧jä̧. Yodojitä adiu cu̧huo̧juä̧cua̧jä̧.

Iso päi'önä pä'ösä ucuturu, ya̧tȩ adicuä i̧sa̧mä̧ u̧ru̧hua̧ttö̧'i̧nä̧ abonänö juruhuocö. Ja̧'hua̧ta̧nö̧ ya̧tȩ huȩ'ä̧hua̧mä̧, chutä hue'inöttö'inä abonänö hue'ocö.

Pi̧yȩ pädö ä̧ju̧cu̧ jȩcu̧'ä̧tu̧cu̧ttu̧mä̧, eseunu cu̧ja̧cuä̧cuo̧tö̧jä̧.

Ja̧'hua̧nö̧ ja̧'a̧ttö̧ ttu̧cuȩ ttucua'a, Jesús mesa isodättö ä̧rä̧mi̧'ö̧, ö̧'ca̧tä̧huä̧ta̧ huäme i̧sä̧ta̧ ko̧'ä̧dö̧ icuipö, korota̧ pö̧jä̧ta̧ äcänä juä'ocuinödo. Ja̧u̧nu̧ o'ca'a, ajiya sä̧rä̧bä̧ rö̧ä̧bä̧nä̧ da'epö, u̧huo̧juȩtä̧u̧ ttö̧jä̧pi̧yä̧ töquinödo. Töcäji'ca̧ pö̧jä̧ta̧nä̧ äcänä juäocuä̧ta̧nä̧ 'ca̧'i̧nö̧do.