Popular Bible Verses from Santiago 3

Share

Diosttö huo̧juä̧huä̧ ku̧nä̧rä̧tö̧mä̧, suronä jȩä̧cuä̧huä̧ juiyönä ka̧cuä̧tö̧. Ja̧'hua̧ta̧nö̧ ttami diyaunä ka̧cuä̧tö̧. Ucuotönö tta̧'ä̧rä̧tö̧ korotörö. Ttahuaruhuä pättö huȩnȩ ä̧ju̧cu̧ esetätö. Re rö̧jö̧nä̧ topö ppä'ädätö ttahuaruhuärö. Ja̧'hua̧nö̧ jȩpä̧tö̧mä̧ iso päi'önä jueö huȩnȩ ucuocuätö.

Ucututtu ya̧tȩ huo̧ju̧nä̧ hua̧ ö̧jö̧ttö̧mä̧, 'cucuächi'önä ä̧ju̧cui̧nö̧ ö̧jö̧ttö̧mä̧, adiu jueönä amöcuädö, huo̧ju̧nä̧ jȩpö̧, ö̧jö̧'a̧nö̧ ja̧'a̧.

Eseunu ttö̧ja̧cua̧ pä'ätömä, korotöcu'inä eseunu ka̧cuä̧tö̧, adiunä ji̧nä̧ yo̧mȩtȩ amöcuädö ttö̧ja̧cua̧ pä'ö.

Tta̧'cua̧ ko̧mȩnä̧ ttamöcuädomenä, jitötä jähuä jȩtto̧mȩnä̧, adiu ji̧nä̧ yo̧mȩtȩ amöcuädö jȩpo̧co̧tö̧. O'ca juiyönä surojö jȩä̧cuä̧huä̧tä̧ jȩpä̧tö̧.

Ti̧nȩnä̧ adiu ucuocuätöjä Tä'o Diosrö. Ja̧'hua̧ta̧nö̧ ti̧nȩnä̧ suronä ucuocuätöjä ttö̧ja̧rö̧, Dios chutä jö̧ ta'anö huotörö. Jahuäyä ttänä räopa'a adiu ucuocuäcuähuä'inä, suronä ucuocuäcuähuä'inä. Ja̧'hua̧nö̧mä̧ jȩttö̧ juiyö'a̧nö̧ ja̧'a̧, chö̧jä̧hua̧tö̧.

Ti̧nȩ ocurä jä̧'i̧nö̧'a̧nö̧ ja̧'a̧. Ti̧nȩnä̧ suronä tucuocuomenä, suronä jȩpä̧tö̧jä̧ ujutumä. Ocurä beipocarättö ti̧nȩnä̧ rȩdȩtö̧ ähuettä. Ja̧'hua̧ta̧nö̧ ujutu suronä jȩta̧ pä'ö o'ca juiyönä huea'a ti̧nȩmä̧.

Ja̧'hua̧nö̧ ja̧'a̧ tti̧nȩmä̧ yoröiso teyodocotö ttö̧ja̧mä̧. Ja̧'hua̧nö̧ ja̧'a̧ tti̧nȩmä̧ suroja'a, yoröiso huirochi'ocö. Ä̧ca̧ ö̧mä̧nȩhuä̧ jä̧'i̧nö̧'a̧nö̧ jö̧ su̧'pȩnö̧ ȩjä̧u̧ tti̧nȩnä̧.

Chö̧jä̧hua̧tö̧, ucututtu a̧'u̧cu̧nä̧tä̧ ttu̧huo̧juȩtö̧'a̧nö̧ ja̧'a̧. Ucutu huo̧juä̧tö̧jä̧ ujutu huo̧juȩcuä̧ ttö̧ja̧rö̧mä̧ huo̧jui̧pä̧tö̧ttö̧'i̧nä̧ abonänö pä̧cua̧ Dios.