Popular Bible Verses from Santiago 1

Share

Chö̧jä̧hua̧tö̧, eseunu ka̧cuä̧tu̧cui̧ surojö 'cuäopomenä. Ucutu huo̧juä̧tö̧jä̧, surojö 'cuäopomenä adiu cuesetätucuomenä, cuami 'qui'ächi'ö cu̧ja̧cuä̧cuo̧tö̧jä̧.

Ucututtu ya̧tȩ u̧huo̧jui̧'a̧ pä'ö recuä rö̧jö̧ttö̧mä̧, Diosrö jäepö'a̧nö̧ ja̧'a̧. Dios ja̧u̧ru̧ i̧yä̧cua̧. Dios o'ca toi'önärö iyö. Tä̧bo̧cuä̧ juiyönä rö̧ȩnä̧ iyö.

Chö̧jä̧hua̧tö̧, 'coruchi'ö pä̧nö̧ ä̧ju̧cuä̧tu̧cui̧. Adiu cuä̧ju̧cuä̧tu̧cu̧ o'ca'a ucuocuätucui. O'ca päi'önä cu̧ra̧huä̧rä̧tu̧cuä̧'.

Adiu cuami 'qui'ächi'ö ka̧cuä̧tu̧cui̧, tä̧mö̧ ttö̧ja̧'a̧ jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö, koro amöcuädäcuähuä juiyönä.

Dios i̧huȩnȩ päö ta'anö jȩpä̧tu̧cui̧. Ä̧ju̧cu̧tä̧mä̧ cuä̧ju̧cuä̧tu̧cuä̧'. Ä̧ju̧cu̧tä̧ cuä̧ju̧cuä̧tu̧cuo̧mȩnä̧, yapareu ucuocuätöjä cuamönätucutä.

Surojö 'cuäopomenä, ami 'qui'ächi'ö kö̧mä̧ adiu ö̧jä̧cua̧. Surojö 'cuäopäji o'ca'a, adiu kö̧mä̧ kä̧cuä̧huä̧ i'co ȩmä̧cua̧. Ja̧u̧ kä̧cuä̧huä̧ i'co Dios iya päinömä, Diosrö repe'ätörötä iyä̧cuȩ.

O'ca juiyönä adiumä ttö̧ä̧nä̧huo̧mȩttö̧ icha'ado. Diosttö kä̧hua̧tö̧rö̧'i̧nä̧, si̧ri̧'cö̧rö̧'i̧nä̧ aditinöttö icha'ado. Diosmä yoröiso pärou icuocö. Tti jo̧mȩ pärohue'ö kö̧'a̧nö̧, pärohuocö Diosmä.

Ja̧'hua̧nö̧ ja̧'a̧ ya̧tȩ chutä amönä ö'ä toäcuähuodänä topäcuähui'ö rä'opächö, chutä amönä ö'ä toäcuähuäjimä unichi'ö. Pide jȩö̧'a̧nö̧ jȩpö̧ ä̧ju̧cu̧tä̧ ä̧ju̧cu̧mä̧, Dios i̧huȩnȩ päö'a̧nö̧mä̧ jȩpo̧cö̧.

Tä'o Diosrö adiu ami iso'quinä idicuächö juiyönä esetömä, reyotörö'inä, rȩcua̧mö̧rö̧'i̧nä̧ ppädö'a̧nö̧ ja̧'a̧, surojö 'cuäopomenä. Ja̧'hua̧ta̧nö̧ pi̧jä̧ jähuä suronä amöcuädö jȩpo̧cö̧.

Ya̧tȩ suronä jȩa̧ pä'ö amöcuädomenä, Diosrömä päö juiyö'a̧nö̧ ja̧'a̧, Dios ttörö suronä jȩcha̧ pä'ö hue'äji pä'ömä. Diosmä suronä jȩa̧ pä'ömä amöcuädocö. Ja̧'hua̧ta̧nö̧ Diosmä hue'ocö korotörö, suronä jȩtta̧ pä'ömä. Ja̧'hua̧nö̧ ja̧'a̧ ya̧tȩ suronä jȩa̧ pä'ö eseunu amöcuädomenä, suronä jȩpö̧.

Jesucristorö esetömä usurä i̧sa̧'i̧nä̧ eseunu ö̧jö̧'a̧nö̧ ja̧'a̧, Dios ppädomenä amöcuädö.